വി എസ്‌ വിജയരാഘവന്‌ പിറന്നാൾ ആശംസയുമായി എ കെ ബാലൻ

പാലക്കാട്‌
എൺപതാം പിറന്നാൾ ആഘോഷിക്കുന്ന മുതിർന്ന കോൺഗ്രസ്‌ നേതാവ്‌ വി എസ്‌ വിജയരാഘവന്‌ ആശംസയുമായി സിപിഐ എം കേന്ദ്രകമ്മിറ്റിയംഗം എ കെ ബാലൻ. വ്യാഴം രാവിലെ എരിമയൂരിലുള്ള വീട്ടിലെത്തിയ എ കെ ബാലൻ വി എസ്‌ വിജയരാഘവനെ പൊന്നാട അണിയിച്ചു. കോൺഗ്രസ്‌ നേതാക്കളിലെ വ്യത്യസ്‌തനാണ്‌ വിജയരാഘവനെന്ന്‌ എ കെ ബാലൻ പറഞ്ഞു. ഞായറാഴ്‌ചയാണ്‌ 80–-ാം പിറന്നാൾ. ‘പാലക്കാടിന്റെ സ്വന്തം വി എസ്‌’ എന്ന പുസ്‌തകം എ കെ ബാലന്‌ വിജയരാഘവൻ സമ്മാനിച്ചു.