ശബരിമല സ്പെഷ്യല് വന്ദേഭാരത് കേരളത്തിലെത്തി. പാലക്കാട് ജംഗ്ഷൻ റെയില്വേ സ്റ്റേഷനില് ബിജെപി പ്രവര്ത്തകര് ട്രെയിനിന് സ്വീകരണം നല്കി.
ശബരിമല തീര്ത്ഥാടകരുടെ സൗകര്യം കണക്കിലെടുത്താണ് കേരളത്തിന് സ്പെഷ്യല് വന്ദേഭാരത് ട്രെയിൻ അനുവദിച്ചത്. 15, 17, 22, 24 തീയതികളിലായി നാല് ദിവസത്തെ സര്വീസാണ് നടത്തുക.
വെള്ളി, ഞായര് ദിവസങ്ങളില് ചെന്നൈയില് നിന്ന് രാവിലെ നാലരയ്ക്ക് പുറപ്പെടുന്ന ട്രെയിൻ വൈകീട്ട് 4.15 ന് കോട്ടയത്ത് എത്തും. ശനി, തിങ്കള് ദിവസങ്ങളില് രാവിലെ 4.40 ന് കോട്ടയത്ത് നിന്ന് പുറപ്പെടുന്ന ട്രെയിൻ വൈകീട്ട് 5.15 ന് ചെന്നെയില് എത്തും.
