കൗണ്സിലര് പ്രശോഭ് വത്സനെ പുറത്താക്കി കോണ്ഗ്രസ്
ലൈംഗികാതിക്രമ പരാതിയില് കേസെടുത്തതിന് പിന്നാലെ പാലക്കാട് കൗണ്സിലര് പ്രശോഭ് വത്സനെ പാര്ട്ടിയില് നിന്നും പുറത്താക്കി. പ്രാഥമിക അംഗത്വത്തില് നിന്നും സസ്പെന്ഡ് ചെയ്തതിന് പിന്നാലെയാണ് പുറത്താക്കല്. പ്രശോഭിനെതിരായ ലൈംഗികാതിക്രമ പരാതി തെരഞ്ഞെടുപ്പ് കൂടി അടുത്തിരിക്കെ പാര്ട്ടിക്കും മുന്നണിക്കും ദോഷമുണ്ടാക്കിയെന്നാണ് കോണ്ഗ്രസ് വിലയിരുത്തല്.
ധാര്മ്മികതയുണ്ടെങ്കില് കൗണ്സിലര് സ്ഥാനം രാജിവെക്കണമെന്ന് ഡിസിസി പ്രസിഡന്റ് എ തങ്കപ്പന് പ്രതികരിച്ചു. വിഷയം തെരഞ്ഞെടുപ്പില് ചര്ച്ചാ വിഷയമാകുമെന്ന് കരുതുന്നില്ലെന്നും തങ്കപ്പന് പറഞ്ഞു.
