ടി.നസിറുദ്ദീന് ആദരാഞ്ജലികൾ അർപ്പിച്ചു

.പാലക്കാട്:വിൽപന നികുതി ഉദ്യോഗസ്ഥർക്കു മുമ്പിൽ വ്യാപാരിയെ നിവർന്നു നിൽക്കാൻ ധൈര്യം പകർന്നത് ടി.നസുറുദ്ദീൻ്റെ ധീരമായ നിലപാടുകളായിരുന്നുവെന്നും ഓരോ കാലഘട്ടത്തിലും അധികാരത്തിലെത്തുന്ന ഭരണകൂടങ്ങൾക്കു മുൻപിൽ വ്യാപാരികളുടെ ആവശ്യങ്ങളും അവകാശങ്ങളും നേടിയെടുക്കുന്നതിന് നടത്തിയിട്ടുള്ള സംഘടനാ പ്രവർത്തനങ്ങൾക്ക് കേരളത്തിലെ ഓരോ വ്യാപാരിയും അദ്ദേഹത്തോട് കടപ്പെട്ടിരിക്കുന്നുവെന്നും കേരള വ്യാപാരി വ്യവസായി ഏകോപന സമിതി ജില്ലാ പ്രസിഡൻ്റ് ബാബു കോട്ടായിൽ പറഞ്ഞു.കേരള വ്യാപാരി വ്യവസായി ഏകോപന സമിതി സംസ്ഥാന പ്രസിഡൻ്റ് ടി.നസിറുദ്ദീനിൻ്റെ നിര്യാണത്തിൽ നടത്തിയ അനുശോചന യോഗത്തിൽ അനുസ്മരണ പ്രഭാഷണം നടത്തുകയായിരുന്നു ബാബൂ കോട്ടായിൽമഞ്ഞ കുളം വ്യാപാരഭവനിൽ നിന്നും ആരംഭിച്ച മൗനജാഥ സ്റ്റേഡിയം സ്റ്റാൻ്റിലെത്തിയതിനു ശേഷമായിരുന്നു അനുശോചന സമ്മേളനം നടന്നത്.സി.പി.എം. ജില്ല സെക്രട്ടറി ഇ.എൻ.സുരേഷ് ബാബു, ഡി.സി.സി.സെക്രട്ടറി രാമചന്ദ്രൻ ,വിവിധ രാഷ്ട്രീയ സംഘടനാ നേതാക്കളായ എം.എം.ഹമീദ്, അയ്യപ്പൻനായർ, .എം.അനന്തൻ, ബാലകൃഷ്ണൻ, വ്യപാര സംഘടന നേതാക്കളായ കെ.എം.ജലീൽ, റസാഖ് എൻ.എം.ആർ., എം.കുമാരൻ; സദ്ദാം ഹുസൈൻ, .സുബി ഭാസ്കർ ,എന്നിവർ അനുസ്മരണ പ്രഭാഷണം നടത്തി. ജില്ലാ ഭാരവാഹികളായ കെ.കെ.ഹരിദാസ്, കെ.എ.ഹമീദ്, ടി.പി.സക്കറിയ, എം.എസ്., സിറാജ്, അസ്സൻ മുഹമ്മദ് ഹാജി, സി.വി.ജയിംസ്;രമേഷ് ബേബി, എ.എൻ.ജെ.ജോൺസൺ, കെ.സുന്ദർരാജ് ‘ എന്നിവർ നേതൃത്വം നൽകി.