മലമ്പുഴ ഇറിഗേഷൻ കുനിശ്ശേരി നമ്പർ – 2 കനാലിനരികിലുള്ള വൻമരം കടപുഴകി വീണു. പല്ലാവൂർ കിഴക്കേത്തറ അപ്പുണ്ണിനായരുടെ വീട്ടുവളപ്പിലുഉള്ള കുളത്തിലേക്കാണ് ഈമരം നിലംപതിച്ചത്. ഈമരം കടപുഴകിയതുമൂലം കനാലിൻ്റെ 20 മീറ്ററിലധികം ദൂരംവരുന്ന നീളത്തിലുള്ള കോൺക്രീറ്റ് ചെയ്തിട്ടുള്ള കനാൽ ഭിത്തി പൂർണ്ണമായും തകർന്നിരിക്കുകയാണ്. ഈ പാടശേഖരത്തിൽ 45 ഹെക്ടർകൃഷിയിടവും, 58 കർഷകരുമാണുള്ളത്.
ഈ വൻ മരം മുറിച്ചുമാറ്റാൻ സത്വരനടപടികൾ കൈക്കൊള്ളുവാനും, തകർന്ന കോൺക്രീറ്റ് ഭിത്തി പുനർനിർമിക്കാനും, ഇറിഗേഷൻ വകുപ്പ് അധികൃതർക്കും, മറ്റ് ബന്ധപ്പെട്ട അധികാരികൾക്കും നിവേദനം നൽകണമെന്നും കർഷകരുടെ യോഗം തീരുമാനിച്ചു. ഒന്നാംവിള കൃഷിക്കുള്ള നടീൽ ആരംഭിക്കുന്നതിന് കേവലം. രണ്ടാഴ്ച മാത്രം ബാക്കി നിൽക്കെ ഈ തകർന്ന കോൺക്രീറ്റ് ഭിത്തി കർഷകരുടെ മനസ്സിൽ ഭീതിയുളവാക്കുന്നു. സമിതി ഭാരവാഹികളായ
S. രാമൻകുട്ടി,
P.N. രവീന്ദ്രനാഥ്, S.സേതു,
P.U.രാമാനന്ദ്, S.രാധാകൃഷ്ണൻ, P.N.രാമൻകുട്ടി, S.അപ്പു, P.D.മുരളീധരൻ, K.ബാബു എന്നിവർ സംസാരിച്ചു. സമിതിയിലെ മിക്ക കർഷകരും കടപുഴകിവീണ് വൻ മരത്തിനരികിലെ തകർന്ന കോൺക്രീറ്റ് കനാൽഭിത്തി തകർന്നത് കാണാനെത്തി. ആവുന്നതും വേഗം ഈ കനാൽ ഭിത്തി കോൺക്രീറ്റ് ചെയ്യാത്തപക്ഷം കർഷകരുടെ ഇത്തവണത്തെ കൃഷി ബുദ്ധിമുട്ടിൽ ആകുമെന്ന് അഭിപ്രായപ്പെട്ടു.
