വിദ്യാർഥികളെ ബസിൽ കയറ്റിയില്ല, 8 ബസുകളുടെ ഫിറ്റ്നസ് റദ്ദാക്കി ആർടിഒ കഴിഞ്ഞ ദിവസം വിദ്യാർത്ഥികളെ ബസിൽ കയറാൻ അനുവദിക്കാത്തതിനെ തുടർന്ന് 8 സ്വകാര്യബസുകളുടെ ഫിറ്റ്നെസ് എൻഫോഴ്സ്മെന്റ് ആർ. ടി. ഒ റദ്ദാക്കി.
മണ്ണാർക്കാട് നടന്ന പരിശോധനയിലാണ് നടപടി. പരിശോധന ഇനിയും തുടരുമെന്ന് അധികൃതർ അറിയിച്ചു.
ബസിൽ വിദ്യാർഥികളെ കയറ്റുന്നില്ലെന്ന് ഇവിടെ നിന്ന് വ്യാപക പരാതിയുയർന്നിരുന്നു. അടുത്തിടെ ഒരു വിദ്യാർഥി ഈ റൂട്ടിലോടുന്ന ബസിൽ നിന്ന് തെറിച്ചുവീണ് ഗുരുതരമായി പരുക്കേൽക്കാനിടയായ സംഭവവുമുണ്ടായിരുന്നു.
