വാളയാർ കേസ്; സി ബി ഐ നടത്തണമെന്ന്
കോടതി
പാലക്കാട് വാളയാർ കേസിൽ
പുനരന്വേഷണത്തിന് പാലക്കാട് പോക്സോ കോടതി ഉത്തരവ്. സി ബി ഐ എതന്നെ വീണ്ടും അന്വേഷിക്കണമെന്നാണ് പോക്സോ കോടതി ഉത്തരവിട്ടത്.
സി ബി ഐ സമർപ്പിച്ച കുറ്റപത്രം കോടതി തള്ളി. കൊല്ലപ്പെട്ട പെൺകുട്ടികളുടെ മാതാവ് നൽകിയ ഹരജിയിലാണ് പോക്സോ കോടതി വിധി പറഞ്ഞത്.
മക്കളുടേത് കൊലപാതകം തന്നെയാണെന്നും സത്യം തെളിയുമെന്നാണ്പ്രതീക്ഷയെന്നും വാളയാറിൽ കൊല്ലപ്പെട്ട
കുട്ടികളുടെ അമ്മ പറഞ്ഞു.
കഴിഞ്ഞ ഡിവസംബർ 27നാണ് സി ബി ഐ കുറ്റപത്രം സമർപ്പിച്ചത്. പെൺകുട്ടികളുടേത് ആത്മഹത്യയാണെന്നും കൊലപാതകമാണ് തെളിയിക്കുന്ന ഒരു തെളിവുമില്ലെന്നും സി ബി ഐ കുറ്റപത്രത്തിൽ പറഞ്ഞിരുന്നു.
പോക്സോ കോടതിയുടെ പുനരന്വേഷണ ഉത്തരവിൽ സന്തോഷമുണ്ട്. ഇനി വരുന്ന അന്വേഷണ ഉദ്യോഗസ്ഥരെങ്കിലും കൃത്യമായി അന്വേഷണം നടത്തുമെന്നാണ് പ്രതീക്ഷയെന്നും മാതാവ് പറഞ്ഞു. നേരത്തെ അന്വേഷിച്ച ഉദ്യോഗസ്ഥർ വീണ്ടും അന്വേഷിക്കരുത്. നേരത്തെ അറിയാവുന്ന തെളിവുകളെല്ലാം സി ബി ഐക്ക് നൽകിയിരുന്നു. എന്നാൽ അവർ അതൊന്നും ചെവിക്കൊണ്ടില്ലെന്നും മാതാവ് പറഞ്ഞു.
