പാലക്കാട് : കഴിഞ്ഞ ദിവസം ചെറാട് മലയിടുക്കിൽ കുടുങ്ങി ദൗത്യസംഘം
രക്ഷപ്പെടുത്തിയ ബാബുവിനെതിരെ കേസെടുക്കാനുള്ള വനം വകുപ്പ് അധികൃതരുടെ
നടപടി തടഞ്ഞ വനം – വന്യജീവി വകുപ്പുമന്ത്രി എ.കെ. ശശീന്ദ്രന്റെ നടപടിയെ
NCP ജില്ലാ കമ്മറ്റി യോഗം അഭിനന്ദിച്ച ജില്ലാ പ്രസിഡണ്ട് എ.രാമസ്വാമി
അദ്ധ്യക്ഷത വഹിച്ചു. മലമുകളിൽ കുടുങ്ങിയ ബാബു വിനെ രക്ഷപ്പെടുത്താൻ 45
മണികൂർ നീണ്ട ദൗത്യത്തിൽ വിജയകരമായ നേതൃത്വം നൽകിയ പർവ്വതാരോഹണ സംഘം
ഉൾപ്പെടെയുള്ള സൈനികർ ,തുടക്കം മുതൽ നേതൃത്വം നൽകിയ പാലക്കാട് ജില്ലാ
കളക്ടർ , ജില്ലാ പോലീസ് സൂപ്രണ്ട് , വനം – ആരോഗ്യം – പോലീസ്, ഫയർഫോഴ്സ്
എന്നിവയിലെ ഉദ്യോഗസ്ഥർ, സൈനികരെ എത്തിക്കുന്നതിനും മറ്റും സമയോചിതമായി
ഇടപെട്ട മുഖ്യമന്ത്രി പിണറായി വിജയൻ , വൈദ്യുതി വകുപ്പു മന്ത്രി
കെ.കൃഷ്ണൻ കുട്ടി, മലമ്പുഴ MLA എ. പ്രഭാകരൻ, തുടങ്ങിയവരെയും ഇതിൽ പങ്കു
വഹിച്ച ജനപ്രതിനിധകൾ, , മാധ്യമ പ്രവർ ത്തകർ , പ്രദേശവാസികൾ എന്നിവരെയും
അനുമോദിച്ചു കൊണ്ട് ജില്ലാ കമ്മറ്റി പ്രമേയം പാസ്റ്റാക്കി ..
സംസ്ഥാന ജന: സെക്രട്ടറി T.N. ശിവശങ്കരൻ യോഗം ഉദ്ഘാടനം ചെയ്തു. സംസ്ഥാന
ജന: സെക്രട്ടറിമാരായ അനിൽ കുവ്വ പ്ലാക്കൽ, സംസ്ഥാന നിർവ്വാഹക സമിതി അംഗം
ഓട്ടൂർ ഉണ്ണികൃഷ്ണൻ , ജില്ലാ ഭാരവാഹികളായ കെ.പി.അബ്ദുൾ റഹ്മാൻ, മോഹൻ
ഐസക്ക്, സെയ്ഫം ദീൻ കിച്ച് ലു എം.എൻ ,
എം.എം. കബീർ, സലോമി ടീച്ചർ, പി മൊയ്തീൻ കുട്ടി, അഡ്വ. രവിശങ്കർ, റെജി
ഉള്ളിരിക്കൽ , കെ.എസ്.രാജഗോപാൽ, തമ്പി കൊള്ളന്നൂർ എന്നിവർ യോഗത്തിൽ
പ്രസംഗിച്ചു.
കഴിഞ്ഞ ദിവസം അന്തരിച്ച ഇന്ത്യയുടെ വാനമ്പാടി ലതാ മങ്കേഷ്ക്കർ യോഗം
ആദരാജ്ഞലികൾ അർപ്പിച്ചു.