എസ്എസ്എൽസി പരീക്ഷാഫലത്തിൽ ഇരട്ടി മധുരം നുകർന്ന് അനുപമ

എസ്എസ്എൽസി പരീക്ഷാഫലത്തിൽ ഇരട്ടി മധുരം നുകർന്ന് അനുപമ
മണ്ണാർക്കാട്: എസ്എസ്എൽസി പരീക്ഷാ ഫലം വന്നപ്പോൾ ഇരട്ടി മധുരം നുകർന്ന സന്തോഷത്തിലാണ് ചങ്ങലീരി പുത്തൻവീട് ജയകൃഷ്ണൻ ആശാലത ദമ്പതിമാരുടെ മകൾ അനുപമ. ചങ്ങലീരി ഇർഷാദ് ഹൈസ്കൂൾ വിദ്യാർഥിനിയായിരുന്ന അനുപമ ഒന്നാം ക്ലാസ്സ്‌ മുതൽ അറബിക് പഠിക്കുകയും അറബി ഒന്നാംഭാഷയായി തിരഞ്ഞെടുക്കുകയും അറബിയിൽ മികവു തെളിയിക്കുകയും മുഴുവൻ വിഷയങ്ങൾക്കും എ പ്ലസ് നേടുകയും ചെയ്തു. അനുപമയുടെ സഹപാഠികളും ഉന്നത വിജയം കരസ്ഥമാക്കി.മുമ്പ് കലോത്സവങ്ങളിൽ അറബിക് പദ്യത്തിലും അറബിക് ഗാനങ്ങളിലും മികച്ച വിജയങ്ങൾ നേടിയിട്ടുണ്ട് അനുപമ. പതിനേഴാം വർഷവും തുടർച്ചയായി 100 ശതമാനം വിജയം നേടിയ ഇർഷാദ് ഹൈസ്കൂളിൽ 87.5 ശതമാനം വിദ്യാർഥികൾക്ക് മുഴുവൻ എപ്ലസ് ലഭിക്കുകയും ചെയ്തു. വിജയികളെ മാനേജ്മെന്റും പിടിഎയും അഭിനന്ദിച്ചു.