വാളയാർ റേഞ്ചിലെ സർക്കാർ തേക്ക് തോട്ടത്തിൽ മലമ്പാമ്പിനെ പിടികൂടി കൊന്നു തോലുരിച്ചു നെയ്യ് എടുക്കുവാനും ഇറച്ചിയാക്കാനും ശ്രമിച്ച കേസിൽ പ്രതി വാളയാർ പുതുശ്ശേരി ഈസ്റ്റ് വില്ലേജിലെ മരുതൻ മകൻ മുരുകനെ (58വയസ്സ് /2011) ആറു മാസം തടവ് ശിക്ഷക്കും മൂവായ്യിരം രൂപ പിഴ അടക്കുവാനും വന്യ ജീവി നിയമ പ്രകാരം പാലക്കാട് ജുഡീഷ്യൽ ഒന്നാം ക്ലാസ്സ് മജിസ്ട്രേറ്റ് ജിനിമോൾ പി. ജെ ശിക്ഷിച്ചു. രണ്ടായിരത്തി പതിനൊന്നു മാർച്ച് 21നാണ് രഹസ്യ വിവരം ലഭിച്ചതിൻ്റെ അടിസ്ഥാനത്തിൽ തേക്ക് തോട്ടത്തിൽ പരിശോധന നടത്തുകയായിരുന്ന വനം വകുപ്പ് ഉദ്യോഗസ്ഥരായ ജി. ജയമോഹനൻ, പി. സുബ്രമണ്യൻ, പി. സുരേഷ് ബാബു എന്നിവർ ചേർന്നാണ് പ്രതി മലമ്പാമ്പിനെ പിടികൂടി കൊന്നു കത്തി ഉപയോഗിച്ച് തോലിയുരിച്ചു നെയ്യ് എടുക്കുവാനും ഇറച്ചി യാക്കാനും ശ്രമിക്കുന്നത് കാണുകയും, പ്രതിയെ പിടിക്കുവാൻ ശ്രമിച്ച ഉദ്യോഗസ്ഥരെ കത്തി കാണിച്ചു ഭീഷണി പെടുത്തി യെങ്കിലും ബലം പ്രയോഗിച്ച് കീഴ്പ്പെടുത്തുകയും ചെയ്തത്. കാർഷിക സർവകലാശാലയിലെ കോളേജ് ഓഫ് ഫോറെസ്റ്ററിയിൽ ഡിഎൻഎ പരിശോധനയിൽ തോലുരിച്ച നിലയിൽ കാണപ്പെട്ട ഭാഗങ്ങൾ മലമ്പാമ്പിന്റേ താണെന്നു സാക്ഷ്യപെടു ത്തിയിരുന്നു. വാളയാർ ഫോറെസ്റ്റ് റേഞ്ച് ഓഫീസർ മാരായ കെ. ഗോപിനാഥൻ, കെ. കെ. സാബു എന്നിവർ അന്വേഷണം നടത്തിയ കേസിൽ പ്രോസിക്യൂഷനു വേണ്ടി സീനിയർ ഗ്രേഡ് അസിസ്റ്റന്റ് പബ്ലിക് പ്രോസിക്യൂട്ടർ പി. പ്രേംനാഥ് ഹാജരായി.
