സ്വതന്ത്രനായി മത്സരിക്കുമെന്ന് പ്രഖ്യാപിച്ച യൂത്ത് കോണ്ഗ്രസ് മുന് സംസ്ഥാന ജനറല് സെക്രട്ടറി എകെ ഷാനിബ് പിന്മാറി.
ഇടതുപക്ഷ സ്ഥാനാര്ത്ഥി പി സരിന് നിരുപാധിക പിന്തുണ നല്കുമെന്ന് ഷാനിബ് വ്യക്തമാക്കി. നാടകീയമായാണ് ഷാനിബ് മത്സരത്തില് നിന്ന് പിന്മാറിയത്. ഇന്ന് പത്രിക നല്കുമെന്ന് പ്രഖ്യാപിച്ച ഷാനിബ് വരണാധികാരിയുടെ ഓഫീസില് എത്തുകയും ചെയ്തിരുന്നു. എന്നാല് പത്രിക നല്കാതെ തിരിച്ച്പോവുകയാണ് ചെയ്തത്.
സിപിഎമ്മില് ചേരില്ല. കോണ്ഗ്രസിലെ മോശം പ്രവണതകള്ക്കെതിരെ പോരാടുമെന്നും ഷാനിബ് വ്യക്തമാക്കി. നേരത്തെ മത്സരത്തില് നിന്ന് പിന്മാറാന് ഷാനിബിനോട് സരിന് അഭ്യര്ഥിച്ചിരുന്നു
