കാഞ്ഞിരത്താണിയിൽ RSS പ്രവർത്തകന്റെ വീട്ടിൽ പൊട്ടിത്തെറിച്ച ബോംബിന്റെ ഉറവിടത്തെയും കൂട്ടു പ്രതികളെയും കണ്ടെത്തി സംഭവത്തിലെ ദുരൂഹത പുറത്ത് കൊണ്ടുവരണമെന്ന് SDPI തൃത്താല മണ്ഡലം പ്രസിഡന്റ് നാസർ തൃത്താല ആവശ്യപ്പെട്ടു..
കൃത്യമായ ഇടവേളകളിൽ കപ്പൂരിലെ RSS പ്രവർത്തകരുടെ വീടുകളിൽ ഉണ്ടാകുന്ന പൊട്ടിത്തെറികൾ ദുരൂഹമാണ്. സംഘ് പരിവാരം ഒരു പ്രദേശത്ത് വർഗീയ കലാപത്തിന്ന് ശക്തമായ ഒരുക്കങ്ങൾ നടത്തുന്നതിന്റെ വ്യക്തമായ തെളിവുകളാണ് ഈ സ്ഫോടനങ്ങളെന്ന് തിരിച്ചറിഞ്ഞിട്ടും അവർക്ക് വേണ്ട ഒത്താശ ചെയ്യുന്ന നടപടികളാണ് നിയമപാലകരുടെയും മതേതര രാഷ്ട്രീയക്കാരെന്ന് അവകാശപ്പെടുന്ന ഇടത് – വലത് മുന്നണികളുടെയും എന്നത് പൊതു ജനം തിരിച്ചറിയേണ്ടതുണ്ട്.
നാട്ടിൽ നില നിൽക്കുന്ന സമാധാനാന്തരീക്ഷം തകർക്കാൻ ശ്രമിക്കുന്ന യഥാർത്ഥ പ്രതികളെ നിയമത്തിന്ന് മുൻപിൽ കൊണ്ട് വന്ന് ജനങ്ങളുടെ ആശങ്ക പരിഹരിക്കാൻ പോലീസ് തയ്യാറാവണമെന്നും അല്ലാത്ത പക്ഷം ശക്തമായ സമര പരിപാടികൾക്ക് SDPI നേതൃത്വം കൊടുക്കുമെന്നും അദ്ദേഹം പറഞ്ഞു….