തോട് പോലെ ഒരു റോഡ് ” കണ്ണിയാംപുറം 28 വാർഡിലെ ജനങ്ങൾ യാത്ര ദുരിതത്തിൽ
ഒറ്റപ്പാലം: ഒറ്റപ്പാലം നഗരസഭയിലെ ഇരുപത്തിയെട്ടാം വാർഡായ കണ്ണിയാംപുറം ജെ.കെ നഗറിലെ തൃക്കങ്ങോട് റോഡാണ് തോട് ആയി മാറിയത്. നിരവധി തവണ നാട്ടുകാർ പ്രതിഷേധം അറിയിക്കുകയും, നഗരസഭയിൽ പരാതിപ്പെടുകയും ചെയ്തിട്ടുള്ളതാണ്. എന്നാൽ യാതൊരുവിധ നടപടികളും കൈക്കൊണ്ടില്ല. ഒരു ചെറിയ മഴ പെയ്താൽ പോലും ഈ റോഡ് തോടായി മാറും. പ്രദേശവാസികളുടെ നേതൃത്വത്തിൽ ഇവിടെ വെള്ളം ഒഴുകി പോകുവാൻ ഒരു ചാൽ നിർമ്മിച്ചിരുന്നു, എന്നാൽ നഗരസഭ അത് മണ്ണിട്ടു മൂടുകയാണ് ചെയ്തത്. കോവിഡ മഹാമാരി കാലത്ത് മരുന്നുകളോ മറ്റ് അവശ്യ സാധനങ്ങളോ എത്തിക്കാൻ ഈ വെള്ളക്കെട്ട് ഏറെ ബുദ്ധിമുട്ടുണ്ടാക്കുന്നു. ഒറ്റപ്പാലം സബ് കളക്ടർ ഉൾപ്പെടെ ഈ വിഷയത്തിൽ ഇടപെട്ടാൽ മാത്രമേ ഇതിനൊരു പരിഹാരം കാണുവാൻ സാധിക്കു എന്നാണ് നാട്ടുകാരുടെ അഭിപ്രായം
