പാലക്കാട്, ചേലക്കര ഉപതിരഞ്ഞെടുപ്പുകളിലെ കോണ്ഗ്രസ് സ്ഥാനാര്ത്ഥി നിര്ണയം ഏകദേശം അന്തിമ ഘട്ടത്തില് എത്തിയിരിക്കുകയാണ്. സര്വേ ഫലം അടിസ്ഥാനമാക്കിയാണ് സ്ഥാനാര്ത്ഥികളെ നിശ്ചയിക്കുക. സര്വേ നടത്തിയ സ്വകാര്യ ഏജന്സി ഉടന് തന്നെ ഫലം കെപിസിസിക്ക് കൈമാറും.
ഓരോ മണ്ഡലത്തിലും അഞ്ച് പേരുകളാണ് സാധ്യത പട്ടികയിലുള്ളത്. പാലക്കാട് നിയമസഭാ മണ്ഡലത്തില് രാഹുല് മാങ്കൂട്ടത്തില്, വി ടി ബല്റാം, വി പി സരിന്, സുമേഷ് അച്യുതന് എന്നിവരാണ് പട്ടികയില് ഇടം നേടിയിരിക്കുന്നത്.
ചേലക്കരയില് രമ്യ ഹരിദാസ്, കെ എ തുളസി, വി പി സജീന്ദ്രന്, എന് കെ സുധീര്, കെ ബി ശശികുമാര് എന്നിവരുടെ പേരുകളാണ് സാധ്യത പട്ടികയില് ഇടം നേടിയിരിക്കുന്നത്. കെ എ തുളസി, കെ ബി ശശികുമാര് എന്നിവര് നേരത്തെ മണ്ഡലത്തില് കോണ്ഗ്രസ് സ്ഥാനാര്ത്ഥികളായിട്ടുണ്ട്.
