ഓർമ്മച്ചെപ്പിലെ മാധുര്യവുമായി പല്ലാവൂർ സ്കൂളിൽ മിഠായി മേള സംഘടിപ്പിച്ചു.
പല്ലാവൂർ. സ്കൂൾ അദ്ധ്യയനവർഷാരംഭത്തിൽ കോവിഡുകാലമായതിനാൽ കളിയും ചിരിയും നഷ്ടപ്പെട്ട വിദ്യാർത്ഥികൾ വൈകിമാത്രം സ്കൂളിലെത്തുവാനുണ്ടായ സാഹചര്യത്തിൽ പ്രീപ്രൈമറി വിഭാഗം കുട്ടികൾക്ക് അദ്ധ്യയന വർഷാവസാനദിനത്തോടനുബന്ധിച്ച് പല്ലാവൂർ GLPS ൽ കുട്ടികൾക്ക് പഴയകാല മിഠായികളുടെ പ്രദർശനവും വിതരണവുംനടത്തിയ പരിപാടി ഏവർക്കും ആനന്ദമേകി.
പല്ലാവൂർ ഗവൺമെന്റ് എൽ.പി.സ്കൂളിൽ 02-04-2022ന് നടന്ന പരിപാടിയിൽ വിദ്യാർത്ഥികളോടൊപ്പം രക്ഷിതാക്കളും പങ്കെടുത്തു.
എസ്.എം.സി. ചെയർമാൻ എ. ഹാറൂൺ മിഠായി വിതരണംനടത്തി മേള ഉദ്ഘാടനം ചെയ്തു. പി.ടി.എ.പ്രസിഡണ്ട് എസ്.ജയ, ഹെഡ്മിസ്ട്രസ്സ് ടി.ഇ. ഷൈമ, എം പി ടി എ പ്രസിഡണ്ട് എസ്.സമീന , പ്രീപ്രൈമറി കൺവീനർ ടി.വി. പ്രമീള, പി.വി.രേഷ്മ, എൻ.സംഗീത എന്നിവർ നേതൃത്വം നൽകി.
(വാർത്ത. രാമദാസ്. ജി. കൂടല്ലൂർ.)
