മാര്യേജ് ബ്രോക്കര്മാര്ക്ക് സമാശ്വാസ സഹായം നല്കണം- കെ .എസ് .എം. ബി .എ. എ
പാലക്കാട്: കോവിഡിന്റെ പശ്ചാത്തലത്തില് വിവാഹങ്ങള് കാര്യമായി നടക്കാത്ത സാഹചര്യത്തില് സാമ്പത്തിക ബുദ്ധിമുട്ട് അനുഭവിക്കുന്ന മേര്യേജ് ബ്രോക്കര്മാര്ക്കും ബ്യൂറോക്കാര്ക്കും സമാശ്വാസ സാമ്പത്തിക സഹായം നല്കണമെന്ന് കേരള സ്റ്റേറ്റ് മാര്യേജ്ബ്യൂറോ ആന്റ് ഏജന്റസ് അസോസിയേഷന് പാലക്കാട് ജില്ലാസമ്മേളനം ആവശ്യപ്പെട്ടു. ഒലവക്കോട് അപ്സര ഓഡിറ്റോറിയത്തില് ചേര്ന്ന സമ്മേളനം കേരള വ്യാപാരി വ്യവസായി ഏകോപന സമിതി പാലക്കാട് നിയോജകമണ്ഡലം ജനറല്സെക്രട്ടറി എം ഉദയന് ഉദ്ഘാടനം ചെയ്തു. കെ എസ് എം ബി എ എ ജില്ലാ രക്ഷാധികാരി ജോസ് ചാലക്കല് അധ്യക്ഷനായി. പുതിയ അംഗങ്ങള്ക്കുള്ള അംഗത്വകാര്ഡ് വിതരണം സംസ്ഥാന പ്രസിഡന്റ് മൊയ്തീന് ഹാജി മോങ്ങം, ഡാറ്റ ബുക്ക് വിതരണം സംസ്ഥാന വര്ക്കിങ്ങ് പ്രസിഡന്റ് നാസര് വളാഞ്ചേരി എന്നിവര് നിര്വ്വഹിച്ചു.
ജന്മദിനം ആഘോഷിക്കുന്ന പാലക്കാട് ട്രഷറര് സുധ കൊല്ലങ്കോടും ഭാരവാഹികളും ചേര്ന്ന് ബര്ത്ത്ഡെകേക്കും ന്യൂ ഇയര് കേക്കും മുറിച്ച് വിതരണം ചെയ്തു. സംസ്ഥാന വര്ക്കിങ് പ്രസിഡന്റ് നാസര് വളാഞ്ചേരി സംഘടനാ ക്ലാസ്സ് നയിച്ചു.
മലപ്പുറം ജില്ലാ സെക്രട്ടറി എം പി റംലത്ത്, മലപ്പുറം മേഖലാ സെക്രട്ടറി അബ്ദുറഹ്മാന് കോട്ടൂര്,വിജയകുമാര് മേലാര്കോട്, ശ്രീനി കൊല്ലങ്കോട് എന്നിവര് പ്രസംഗിച്ചു.
മാര്യേജ് ബ്രോക്കര്മാര്ക്ക് സമാശ്വാസ സഹായം നല്കണം- കെ .എസ് .എം. ബി .എ. എ
Leave a Reply
- Trending
- Comments
- Latest
