യുണൈറ്റഡ് മർച്ചന്റ്സ് ചേമ്പർ ജില്ലാ കമ്മറ്റിയുടെ ഓൺലൈൻ റജിസ്ട്രേഷൻ ക്യാമ്പ്
യുണൈറ്റഡ് മർച്ചന്റ്സ് ചേമ്പർ പാലക്കാട് ജില്ലാ കമ്മറ്റിയും, കേരള
സർക്കാർ തൊഴിൽ വകുപ്പും സംയുക്തമായി വ്യാപാരികൾക്കും , സേവന
രംഗത്തുള്ളവർക്കുമായി വെള്ളി, ശനി ദിവസങ്ങളിൽ ഓൺലൈൻ റജിസ്ട്രേഷൻ ക്യാമ്പ്
സംഘടിപ്പിച്ചിട്ടുണ്ട്.
ക്യാമ്പിന്റെ ഔപചാരികമായ ഉൽഘാടനം യു എം സി സംസ്ഥാന പ്രസിഡന്റ് ജോബി വി
ചുങ്കത്ത് നിർവ്വഹിക്കുന്നതാണ്. ജില്ലാ പ്രസിഡന്റ് പി എസ് സിംപ്സൺ
അധ്യക്ഷത വഹിക്കുന്ന യോഗത്തിൽ ജില്ലാ ലേബർ ഓഫീസർ ജയചന്ദ്രൻ , അസി: ലേബർ
ഓഫീസർ അനിൽ എന്നിവർ പങ്കെടുക്കും.
വ്യാപാരികൾക്കും , തൊഴിലാളികൾക്കും ആവശ്യമായ ഇ ശ്രo കാർഡ്, ഹെൽത്ത് ഐ ഡി
കാർഡ്, എഫ് എസ് എസ് എ ഐ ലൈസൻസ് / റജിസ്ട്രേഷൻ, കോവിഡ് സർട്ടിഫിക്കറ്റ്
തുടങ്ങിയവയുടെ ഓൺലൈൻ റജിസ്ട്രേഷൻ സൗകര്യങ്ങളും ക്യാമ്പിൽ
ലഭ്യമായിരിക്കും.
വെള്ളി, ശനി ദിവസങ്ങളിൽ കാലത്ത് 10 മണി മുതൽ വൈകിട്ട് 5 മണി വരെ
പാലക്കാട് ജോബീസ് മാളിൽ രണ്ടാം നിലയിൽ പ്രവർത്തിക്കുന്ന ജില്ലാ കമ്മറ്റി
ഓഫീസിൽ ക്യാമ്പ് പ്രവർത്തിക്കുന്നതാണ്.
