ബജറ്റ് ജീവനക്കാരേയും അധ്യാപകരേയും പറ്റിച്ചു- കെ.പി.എസ്.ടി.എ. ധനമന്ത്രി തോമസ് ഐസക് നിയമസഭയിൽ അവതരിപ്പിച്ച ബജറ്റ് തീർത്തും നിരാശാജനകവും ജീവനക്കാരേയും അധ്യാപകരേയും പറ്റിച്ചതാണെന്നും കെ.പി.എസ്.ടി.എ. സംസ്ഥാന കമ്മിറ്റി കുറ്റപ്പെടുത്തി. ശമ്പള പരിഷ്കരണ റിപ്പോർട്ട് ഏപ്രിലിൽ സമർപ്പിച്ചാൽ പുതിയ ശമ്പളം എന്നു മുതലാണ് കൊടുക്കുന്നതെന്ന് ഈ സർക്കാരിന് തീരുമാനമെടുക്കാൻ കഴിയില്ല. കഴിഞ്ഞ എൽ.ഡി.എഫ്. സർക്കാരിന്റെ ശമ്പളപരിഷ്കരണം പോലെ ഇതും അടുത്ത സർക്കാരിന്റെ മേൽ ചുമത്തുകയാണ്. ക്ഷാമബത്ത കുടിശിഖ പണമായി തരാനുള്ള ‘നിർദേശം ബജറ്റിൽ സൂചിപ്പിച്ചിട്ടില്ല. പ്രീ-പ്രൈമറി ജീവനക്കാരുടെ കാര്യം ഒന്നും തന്നെ ബജറ്റിൽ ഉൾപ്പെടുത്തിയിട്ടില്ല. ഹയർ സെക്കന്ററി മേഖലയിലെഅധ്യാപ തസ്തികകളുടെ കാര്യത്തിൽ ഒരു സൂചന പോലും ബജറ്റിലില്ല. അധ്യാപകരുടെ നിയമനാംഗീകാരത്തിന്റെ കാര്യവും അധ്യാപക-വിദ്യാർത്ഥി അനുപാതത്തിന്റെ കാര്യവും ബജറ്റിൽ പരാമർശിച്ചിട്ടില്ലവരാൻ പോകുന്ന തെരഞ്ഞെടുപ്പിനെ മുന്നിൽ കണ്ട് ജനങ്ങളുടെ കണ്ണിൽ പൊടിയിടുന്ന ബജറ്റാണ് ധനമന്ത്രി അവതരിപ്പിച്ചതെന്ന് കെ.പി.എസ്. ടി.എ. സംസ്ഥാന പ്രസിഡന്റ് വി.കെ. അജിത് കുമാറും ജനറൽ സെക്രട്ടറി എം.സലാ ഹുദീനും അഭിപ്രായപ്പെട്ടു.