ജില്ലാ ജയിലിൽ ബിരിയാണി വിതരണം ചെയ്തു.:
മലമ്പുഴ: ഫാദർ ഡേവിസ് ചിറമ്മലിന്റെ ഷഷ്ഠി പൂർത്തി ആഘോഷങ്ങളുടെ ഭാഗമായി സംസ്ഥാനത്തെ എല്ലാ അഗതിമന്ദിരങ്ങിലും ബിരിയാണി വിതരണം ചെയ്യുന്നു. ഓരോ ജില്ലകളിലും വൈഎം.സി.എ. ആണ് വിതരണം കോർഡിനേറ്റ് ചെയ്യുന്നത്. ജയിലുകളിൽ ഭക്ഷ്യോത്പന്ന യൂണിറ്റുകളിൽ നിന്നും ചിക്കൻ / വെജ് ബിരിയാണികളാണ് വിതരണം ചെയ്തത്. പാലക്കാട് ജില്ലയിലേക്കാവശ്യമായ ബിരിയാണികൾ മലമ്പുഴ ജില്ലാ ജയിലിൽ ഉണ്ടാക്കി. വൈ.എം.സി.എ. ക്ക് ഭക്ഷണ പൊതികൾ കൈമാറുന്ന ചടങ്ങിൽ പഞ്ചായത്ത് വൈസ് പ്രസിഡന്റ് മുഖ്യാതിഥിയായി .
ക്ലോത്ബാങ്ക് പദ്ധതിയിലൂടെയാണ് അന്നദാനത്തിനുള്ള ധന സമാഹരണം നടത്തിയത്. വിദേശ രാജ്യങ്ങളിലെ സമ്പ്രദായം പോലെ നിങ്ങൾക്കാവശ്യമില്ലാത്ത തോ ഒന്നോ രണ്ടോ തവണ ഉപയോഗി ച്ചതോ ആയ വസ്ത്രങ്ങളും മറ്റും വൃത്തിയായി പാക്ക് ചെയ്ത് ക്ലോത്ബാങ്കിലേക്കു കൊറിയർ അയക്കുക . വിവിധ സ്ഥലങ്ങളിലെ വിൽപന ശാലകളിലൂടെ തീരെ കുറഞ്ഞ വിലക്ക് ആവശ്യക്കാർക്കിത് വാങ്ങാം. വില്പനശാലകളിലെ കുറച്ച് പേർക്ക് തൊഴിൽ കിട്ടുകയും സമാഹരിച്ച തുക എല്ലാ മാസവും 1 തിയതി എല്ലാ ജില്ലകളിലേയും അനാഥാലയങ്ങളിൽ ഇപ്രകാരമുള ഭക്ഷണ വിതരണത്തിനായി ഉപയോഗിക്കുന്നു.