ധോണിയിൽ നിർത്തിയിട്ട പൾസർ ബൈക്ക് മോഷ്ടിച്ച സംഭവത്തിൽ പ്രതിയായ അന്തർജില്ല മോഷ്ടാവ് ഹേമാംബിക നഗർ പൊലീസിന്റെ പിടിയിലായി. മലപ്പുറം പരപ്പനങ്ങാടി ആലുങ്ങൽ ബീച്ച് കല്ലിങ്ങൽ റസൽ ജാസി (22)യാണ് പാലക്കാട് നഗരത്തിൽ വെച്ച് പൊലീസിന്റെ പിടിയിലായത്.
ബൈക്ക് മോഷണം, പിടിച്ച് പറി, കട കുത്തിതുറക്കൽ എന്നിവയുമായി ബന്ധപ്പെട്ട് ഇയാൾക്കെതിരെ ആലപ്പുഴ, ആലുവ, കൊല്ലം, പാലക്കാട് എന്നി ജില്ലകളിൽ കേസ്സുകളുണ്ട്.
മോഷ്ടിച്ച വാഹനത്തിൽ സഞ്ചരിക്കുന്നതിന്നിടയിൽ പോലീസ് പരിശോധനയിലാണ് പ്രതിവലയിലായത്. ഇയാളിൽ നിന്ന് മോഷ്ടിച്ച ബൈക്കും പൊലീസ് പിടികൂടി. കേരളത്തിലെ വിവിധയിടങ്ങളിൽ മോഷണ കേസ്സുകളിൽ പ്രതിയാണ് യുവാവെന്ന് പൊലീസ് പറഞ്ഞു.
