പോക്സോ കേസില് പതിനൊന്നുകാരിയെ തട്ടിക്കൊണ്ടുപോയ കേസില് അച്ഛനും അമ്മയും അറസ്റ്റില്
മുത്തശ്ശിയുടെ സംരക്ഷണത്തിലിരിക്കെയാണ് ഇവര് കുട്ടിയെ തട്ടിക്കൊണ്ടുപോയത്. ചെറിയച്ഛന് മുഖ്യപ്രതിയായ കേസിലെ മൊഴി അനുകൂലമാക്കാനായിരുന്നു ഇവരുടെ തട്ടിക്കൊണ്ടുപോകല്.
പാലക്കാടുനിന്നുള്ള പ്രത്യേക പൊലീസ് സംഘമാണ് ഗുരുവായൂര് ക്ഷേത്രത്തിനടുത്തുള്ള ലോഡ്ജില്നിന്ന് പെണ്കുട്ടിയെ കണ്ടെത്തിയത്. ഒരുവര്ഷം മുന്പാണ് കേസിന് ആസ്പദമായ സംഭവം നടന്നത്.
മാതാപിതാക്കള്ക്കൊപ്പം പോകാന് താല്പര്യമില്ലെന്നും ഭയമാണെന്നും നേരത്തെ കുട്ടി കോടതിയില് മൊഴി നല്കിയിരുന്നു. തുടര്ന്ന് കുട്ടിയുടെ സംരക്ഷണച്ചുമതല മുത്തശ്ശി ഉള്പ്പെടെയുള്ളവരെ ഏല്പിക്കുകയായിരുന്നു. പ്രതികള്ക്ക് അനുകൂല നിലപാടാണ് മാതാപിതാക്കള് സ്വീകരിച്ചിരുന്നത്. .