വനഭൂമി സ്വകാര്യ വ്യക്തികൾക്ക് തീറെഴുതി നൽകലാണ് ചെർപ്പുളശ്ശേരിയിൽ നടക്കുന്നതെന്ന് BJP

ചെർപ്പുളശ്ശേരി മലയിലെ കോടികളുടെ മരങ്ങൾ മാത്രമല്ല നൂറുകണക്കിന് വനഭൂമി ഒന്നാകെ സ്വകാര്യ വ്യക്തികൾക്ക് തീറെഴുതി കൊടുക്കാനാണ് അധികൃതർ ശ്രമിക്കുന്നതെന്ന് BJP സംസ്ഥാന ജനറൽ സെക്രട്ടറി
സി.കൃഷ്ണകുമാർ പറഞ്ഞു.
വനം, റവന്യൂ, പഞ്ചായത്ത്, പോലീസ് അധികാരികളുടെ മൗനസമ്മതത്തോടെയാണ് വർഷങ്ങളായി ഇതിനുള്ള ശ്രമം ഇവിടെ നടക്കുന്നത്.
സർക്കാർ ഭൂമിയും വനവും സംരക്ഷിക്കണമെന്നാവശ്യപ്പെട്ട് BJP ഷൊർണൂർ മണ്ഡലം കമ്മിറ്റി പ്രക്ഷോഭം ആരംഭിക്കുകയാണ്.
വിവിധ വകുപ്പ് അധികൃതർ കൈമലർത്തുന്ന ഇവിടുത്തെ മരംമുറി വിഷയത്തിലും വനഭൂമി തിരിമറിയിലും സമഗ്രമായ അന്വേഷണം വേണമെന്നും സി. കൃഷ്ണകുമാർ ആവശ്യപ്പെട്ടു.
ചെർപ്പുളശ്ശേരിയിലെ അനധികൃത മരംമുറി നടന്ന പ്രദേശത്ത് സന്ദർശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.