പ്ളാച്ചിമടയിൽ അനിശ്ചിതകാലകർഷക സ്വരാജ് സത്യാഗ്രഹം.

ദേശീയ കർഷക പ്രക്ഷോഭത്തെ പിന്തുണച്ച് പ്ളാച്ചിമടയിൽ അനിശ്ചിതകാലകർഷക സ്വരാജ് സത്യാഗ്രഹം.

ഗാന്ധിയൻ കളക്ടീവിൻ്റെ
ആഭിമുഖ്യത്തിൽ ഡിസം 17 ന് പ്ളാച്ചിമടയിൽ ആരംഭിക്കുന്ന
കർഷക സ്വരാജ് സത്യാഗ്രഹത്തോടൊപ്പം സംസ്ഥാനത്തിൻ്റെ വിവിധ പ്രദേശങ്ങളിൽ അനിശ്ചിതകാലകർഷക സ്വരാജ് സായാഹ്ന സത്യാഗ്രഹങ്ങളും സംഘടിപ്പിക്കുന്നു.

ദേശീയ കർഷക പ്രക്ഷോഭത്തെ പിന്തുണച്ചുകൊണ്ടു് പ്രമുഖ ഗാന്ധിയൻ പി.വി.രാജഗോപാൽ മദ്ധ്യപ്രദേശിൽ നിന്ന് അന്നേദിവസമാണ് ഡൽഹിയിലേക്കുള്ള പദയാത്ര ആരംഭിക്കുന്നത്.

കർഷകരെ, തൊഴിലാളികളെ, ഗ്രാമീണ സമ്പദ്ഘടനയെ, പരിസ്ഥിതിയെ രക്ഷിക്കുക എന്ന ആവശ്യവുമായി ഗാന്ധിയൻ കളക്ടീവു് കഴിഞ്ഞ ജൂൺ 5ന് ചമ്പാരനിൽ ആരംഭിച്ച് ഒക്ടോ. 2 ന് പ്ളാച്ചിമടയിൽ സമാപിച്ച സത്യാഗ്രഹത്തിൻ്റെ കൂടി പശ്ചാത്തലത്തിലാണ് കർഷക സ്വരാജ് സത്യാഗ്രഹം.

ദേശീയ കർഷക പ്രക്ഷോഭത്തിൻ്റെ
ഭാഗമായി കോർപ്പറേറ്റുകളുടെ ഉല്പന്നങ്ങളും സേവനങ്ങളും ബഹിഷ്കരിക്കാനുള്ള ആഹ്വാനമനുസരിച്ചുള്ള പ്രചരണങ്ങളും കർഷക സ്വരാജ് സത്യാഗ്രഹത്തോടൊപ്പം നടക്കും. സിസം 17 ന് രാവിലെ 10 മണിക്ക് ആരംഭിക്കുന്ന റിലേ സത്യാഗ്രഹത്തിൽ 24മണിക്കൂർ വീതം ഓരോരുത്തർ ഉപവാസമനുഷ്ഠിക്കും.

പ്ളാച്ചിമട സമരനായകൻ
വിളയോടി വേണുഗോപാലാണ്
ആദ്യ സത്യാഗ്രഹി.