പട്ടാമ്പി : പ്രായപൂർത്തിയാകാത്ത പെണ്കുട്ടിക്ക് മാനഹാനി വരുത്തിയ കേസിലെ പ്രതി ബസ് കണ്ടക്ടാറായ എടപ്പാൾ പെരുവെമ്പ് സ്വദേശി 42 വയസുകാരൻ ജബ്ബാറിന് 4 വർഷം കഠിന തടവും 50000 രൂപ പിഴയും ശിക്ഷ വിധിച്ചു. വ്യാഴാഴ്ച രാവിലെ 11 മണിക്ക് പട്ടാമ്പി ഫാസ്റ്റ് ട്രാക്ക് സ്പെഷ്യൽ കോടതി ജഡ്ജ് സതീഷ്കുമാറാണ് ശിക്ഷ വിധിച്ചത്.
ബസ്സിൽ യാത്ര ചെയ്തിരുന്ന പ്രായപൂർത്തിയാകാത്ത പെൺകുട്ടിയെ കണ്ടക്ടറായ ജബ്ബാർ മാനഹാനി വരുത്തിയതയാണ് കേസ്. പിഴ തുക ഇരക്ക് നൽകാനും വിധിയായി. കേസ് രജിസ്റ്റർ ചെയ്ത് അനേഷണം നടത്തിയത് അന്നത്തെ പട്ടാമ്പി എസ് ഐയായ അബ്ദുൾ ഹക്കീം ആണ്. പ്രോസീക്യൂഷൻ ഭാഗത്തു നിന്നും 11 സാക്ഷികളെ വിസ്തരിച്ചു. 16 രേഖകൾ ഹാജരാക്കി. പ്രോസീക്യൂഷന് വേണ്ടി നിഷ വിജയകുമാർ ഹാജരായി. പട്ടാമ്പി പോലീസ് സ്റ്റേഷനിലെ ഹെഡ് കോൺസ്റ്റബിൾ മഹേശ്വരി പ്രോസീക്യൂഷനെ അസ്സിസ്റ്റ് ചെയ്തു
