ഞാൻ ലക്ഷദ്വീപിനൊപ്പം വെർച്വൽ കാമ്പയിൻ
പാലക്കാട്: ലക്ഷദ്വീപിൽ അഡ്മിനിസ്ട്രേറ്റർ നടത്തുന്ന ഭരണഘടനാവിരുദ്ധ നടപടികളിൽ പ്രതിഷേധിച്ച് തനിമ കലാ സാഹിത്യ വേദി പാലക്കാട് ജില്ല കമ്മിറ്റി സംഘടിപ്പിച്ച വെർച്ച്വൽ കാമ്പയിൻ തുടങ്ങി. വരയും പാട്ടും കവിതയുമായി സംസ്ഥാനത്തെ പ്രമുഖ സാംസ്ക്കാരിക പ്രവർത്തകർ പങ്കെടുക്കുന്ന കാമ്പയിൻ തനിമ സംസഥാന പ്രസിഡൻ്റ് ആദം അയൂബ് ഉദ്ഘാടനം ചെയ്തു. പാർലമെൻ്റിൽ ചർച്ച ചെയ്ത് മാത്രം നടപ്പാക്കേണ്ട നിയമങ്ങൾ ലക്ഷദ്വീപ് ജനതക്കു മേൽ അടിച്ചേൽപ്പിക്കുന്ന അഡ്മിനിസ്ട്രേറ്ററുടെ പ്രവൃത്തികൾ ഭരണഘടന വിരുദ്ധമാണെന്ന് അദ്ദേഹം പറഞ്ഞു.
ദ്വീപിൽ ജനാധിപത്യ ധ്വംസനമാണ് നടക്കുന്നതെന്ന് എഴുത്തുകാരൻ പി.സുരേന്ദ്രൻ ചൂണ്ടിക്കാട്ടി. ലളിതകലാ അക്കാദമി മുൻ സെക്രട്ടറി പൊന്ന്യം ചന്ദ്രൻ, ലക്ഷദ്വീപ് ദോലി പാട്ടുകാരൻ ശൈഖ് മുജീബ് റഹ്മാൻ ആന്ത്രോത്ത്, ചിത്രകാരന്മാരായ പി.എസ്. ഗോപി, പി.ജി. ശ്രീനിവാസൻ, ഉസ്മാൻ, പ്രൊഫ. അബ്ദുൽ കരീം, ശ്രീവത്സൻ, സലാം വല്ലപ്പുഴ, തൃശൂർ രംഗചേതന ആർട്ടിസ്റ്റിക് കെ.വി. ഗണേഷ്, എഴുത്തുകാരായ ടി.വി. അലി, കെ.കെ. പരമേശ്വരൻ ആറങ്ങോട്ടുകര, കവയത്രികളായ നിത്യ ചന്ദ്രൻ വയനാട്, എ.യു. റഹീമ ടീച്ചർ എന്നിവർ പങ്കെടുത്തു.
ജില്ലാ പ്രസിഡൻറ് ഹംസ കാരക്കാട് അധ്യക്ഷത വഹിച്ചു. ജില്ലാ രക്ഷാധികാരി ബഷീർ ഹസൻ നദ് വി, സംസ്ഥാന സെക്രട്ടറിയറ്റംഗം സക്കീർ ഹുസൈൻ എന്നിവർ സംസാരിച്ചു. ജില്ലാ സെക്രട്ടറി സക്കീർ ഹുസൈൻ പഴയ ലക്കിടി സ്വാഗതം പറഞ്ഞു.
Iam with Lakshadweep