ഭരതനെന്ന കുരുന്നിൻ്റെ ജീവിതമോഹത്തിനായി കാരുണ്യ വിപ്ലവമൊരുക്കുകയാണ് മങ്കര ഗ്രാമപഞ്ചായത്തും ദയ ചാരിറ്റബിൾ ട്രസ്റ്റും’
ഭരതൻ്റെ കുരുന്നു മോഹങ്ങൾക്ക് ചിറകുവെപ്പിക്കാനായാണ് മങ്കര പഞ്ചായത്ത് നിവാസികൾ ഒന്നടങ്കം ബക്കറ്റ് വിപ്ലവത്തിനൊരുങ്ങുന്നത് ‘ ഫെബ്രുവരി 7 ന് 5 മണിക്കൂർ കൊണ്ട് 15 ലക്ഷത്തോളം രൂപ സമാഹരിക്കുകയാണ് ബക്കറ്റ് വിപ്ലവത്തിലൂടെ ലക്ഷ്യം വെക്കുന്നതെന്ന് മ ങ്കര ഗ്രാമപഞ്ചായത്ത് പ്രസിഡണ്ട് ‘ MN ഗോകുൽദാസും ദയ ചാരിറ്റബിൾ ട്രസ്റ്റ് ചെയർമാൻ EB രമേഷും വാർത്താ സമ്മേളനത്തിൽ പറഞ്ഞു. ഇരു വൃക്കകളും തകരാറിലായ 15 കാരനായ ഭരതൻ മങ്കര പഞ്ചായത്തിലെ ചെമ്മുക കോട്ടയിൽ വീട്ടിൽ മൂർത്തിയുടെയും സന്ധ്യയുടെയും മകനാണ്. മരണത്തെ മുഖാമുഖം കാണുന്ന ഭരതൻ്റെ ചികിത്സ ചെലവ് നിർദ്ധന കുടുബത്തിന് താങ്ങാൻ കഴിയാതെ വന്നതോടെയാണ് ചികിത്സാ ധന സഹായ നിധി രൂപീകരിച്ചത് ‘ ഭരതൻ്റെ അമ്മ സന്ധ്യ വൃക്ക നൽകുമെങ്കിലും വൃക്ക മാറ്റിവെക്കലും തുടർ ചികിത്സയും കുടുബത്തിന് കഴിയാത്ത അവസ്ഥയിലാണ് ‘ കുടുബത്തിൻ്റെ ദയനീയ അവസ്ഥക്ക് പരിഹാരം കാണാനാണ് ഫെബ്രുവരി 7 ന് മങ്കര പഞ്ചായത്തിലെ മുഴുവൻ വീടുകളിലും ബക്കറ്റ് പിരിവ് നടത്തുന്നത് ‘ 100 സ്കോഡുകളായി 5 മണിക്കൂർ നീളുന്ന ബക്കറ്റ് വിപ്ലവത്തിന് സമനുകളുടെ കരുണയും കാരുണ്യവുമുണ്ടാവുമെന്നാണ് പ്രതീക്ഷയെന്നും ഇരുവരും പറഞ്ഞു ‘ ജനറൽ കൺവീനർ ലക്ഷ്മി മോഹൻ, ട്രഷറർ ശങ്കർ G കോങ്ങാട് ‘ ദീപ ജയപ്രകാശ് എന്നിവരും വാർത്താ സമ്മേളനത്തിൽ പറഞ്ഞു.