ജ്വല്ലറിയുടെ മേൽക്കൂര പൊളിച്ച് അകത്തുകടന്ന് 7 ലക്ഷം രൂപയുടെ വെള്ളിയാഭരണങ്ങൾ കവർന്നു
പാലക്കാട് ടിബി റോഡിൽ മോഷണം നടന്ന ജ്വല്ലറിയിൽ വിരലടയാള വിദഗ്ധർ പരിശോധന നടത്തുന്നു
പാലക്കാട് ∙ നഗരത്തിൽ ജ്വല്ലറിയുടെ മേൽക്കൂര പൊളിച്ച് അകത്തുകടന്ന് 9 കിലോ വെള്ളിയാഭരണങ്ങളും പാത്രങ്ങളും മോഷ്ടിച്ചു. പാലക്കാട് ടിബി റോഡിലുള്ള പൊന്നൂസ് ജ്വല്ലറിയിൽനിന്നാണ് 7 ലക്ഷം രൂപ വിലവരുന്ന വെള്ളി മോഷണം പോയത്. പാലക്കാട് വടക്കന്തറ സ്വദേശി പൊന്നുവിന്റെ ഉടമസ്ഥതയിലുള്ളതാണു ജ്വല്ലറി.
രാവിലെ കട തുറന്നപ്പോഴാണു മോഷണ വിവരം അറിയുന്നത്. ഷീറ്റ് പൊളിച്ചാണു മോഷ്ടാവ് അകത്തുകയറിയത്. സംഭവത്തിൽ ടൗൺ സൗത്ത് പൊലീസ് കേസെടുത്തു. വിരലടയാള വിദഗ്ധർ സ്ഥലത്തെത്തി പരിശോധന നടത്തി