നാല് വയസുകാരനെ കൊലപ്പെടുത്തിയ അച്ഛന്‍ ജീവനൊടുക്കി

പറവൂർ: നാല് വയസുള്ള മകനെ പ്ലാസ്റ്റിക് കയറിൽ കെട്ടിത്തൂക്കി കൊലപ്പെടുത്തിയതിന് ശേഷം അച്ഛൻ ഷാളിൽ തൂങ്ങിമരിച്ചു. വരാപ്പുഴ മണ്ണം തുരുത്തിലാണ് മലപ്പുറം വളാഞ്ചേരി സ്വദേശി ഷരീഫ് (41) മകന്‍ അല്‍ ഷിഫാസ് (4) എന്നിവർ മരിച്ചത്. കോഴിക്കച്ചവടം നടത്തിയിരുന്ന ഇയാൾ ഏറെ നാളായി ഭാര്യ ഖദീജയുമായി പിണങ്ങി കഴിയുകയായിരുന്നു. സുഹൃത്തിനെ വാട്സ്ആപ്പിലൂടെ സന്ദേശം അയച്ച ശേഷമാണ് ഷരീഫ് തൂങ്ങി മരിച്ചത്. ഇന്നലെ രാത്രിയാണ് സുഹൃത്ത് ഷരീഫിൻ്റെ വീട്ടിലെത്തിയത്. ജനലിലൂടെ മൊബൈൽ ടോർച്ചിൻ്റെ വെളിച്ചത്തിൽ മുകളിലെ നിലയിൽ ഇരുവരും മുഖത്തോട് മുഖമായി തൂങ്ങി മരിച്ച നിലയിൽ കണ്ടെത്തിയത്. ഇന്ന് വെളുപ്പിന് ഒരു മണിയോടെയാണ് സംഭവം പോലീസ് അറിയുന്നത്. മുറിയിൽ നിന്നും ഒരു കത്ത് പോലീസിന് ലഭിച്ചിട്ടുണ്ട്. പോലീസെത്തി വാതിൽ കുത്തിപ്പൊളിച്ചാണ് അകത്ത് കടന്നത്.
മുനമ്പം ഡി വൈ എസ് പി സലീഷ് എൻ.എസ്, വരാപ്പുഴ ഇൻസ്പെക്ടർ പ്രശാന്ത് ക്ലിൻ്റ്, എസ് ഐ രെജു ടി.കെ, എ എസ് ഐ ജോസഫ് കെ.എക്സ് എന്നിവരുടെ നേതൃത്വത്തിൽ ഇൻക്വസ്റ്റ് നടത്തി മൃതദേഹം കളമശ്ശേരി മെഡിക്കൽ കോളേജിലേക്ക് പോസ്റ്റ്മോർട്ടത്തിനായി കൊണ്ടുപോയി. വിവരമറിഞ്ഞ് ഇയാളുടെ സഹോദരനും സുഹൃത്തുകളും കളമശ്ശേരി മെഡിക്കൽ കോളേജിലെത്തിയതായി
വരാപ്പുഴ പോലീസ് അറിയിച്ചു.