മാതൃഭൂമി ന്യൂസ് ക്യാമറാമാൻ എ.വി മുകേഷ് (34) അന്തരിച്ചു. റിപ്പോർട്ടിങ്ങിനിടയില് ബുധനാഴ്ച രാവിലെ പാലക്കാട് കൊട്ടെക്കാട് വച്ച് കാട്ടാന ആക്രമണമുണ്ടായാണ് അന്ത്യം.
ദീർഘകാലം ഡല്ഹിയില് ജോലി ചെയ്ത അദ്ദേഹം പുഴ മുറിച്ചുകടക്കുന്ന കാട്ടാനക്കൂട്ടത്തിൻ്റെ ദൃശ്യം പകര്ത്തുന്നതിനിടയിലാണ് ആന ആക്രമിക്കുന്നത്. പാലക്കാട് ജില്ലാ ആശുപത്രിയിലെത്തിച്ചെങ്കിലും മരണം സംഭവിച്ചു.
കാട്ടാന ഇറങ്ങിയത് അറിഞ്ഞ് റിപ്പോർട്ട് ചെയ്യാനെത്തിയതായിരുന്നു മുകേഷ്. പാലക്കാട് ബ്യൂറോ ക്യാമറാമാനായിരുന്നു.
കാട്ടന പുഴ മുറിച്ചു കടക്കുന്ന ദൃശ്യം പകർത്തുന്നതിനിടെയായിരുന്നു ആക്രമണം. കല്ലില് തട്ടി മുകേഷ് വീണു. ഇതോടെ ഓടിയടുത്ത കാട്ടാന മുകേഷിനെ ചവിട്ടി. ഉടൻ പാലക്കാട് ജില്ലാ ആശുപത്രിയില് എത്തിച്ചെങ്കിലും ജീവൻ രക്ഷിക്കാനായില്ല. 34 വയസ്സുള്ള മുകേഷ് ദീർഘകാലം ഡല്ഹി ബ്യൂറോ റിപ്പോർട്ടറായിരുന്നു. മാതൃഭൂമി ഓണ്ലൈനില് അതിജീവനമെന്ന പംക്തിയും കൈകാര്യം ചെയ്തിരുന്നു.
ദീർഘകാലം ഡല്ഹിയില് ജോലി ചെയ്തിരുന്നു. കഴിഞ്ഞ ഒരു വർഷമായി പാലക്കാട് ബ്യൂറോയിലാണ്.
