പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി പീഡനം; യുവാവ് അറസ്റ്റിൽ.
ചിറ്റൂർ ∙ പ്രായപൂർത്തിയാകാത്ത പെൺകുട്ടിയെ വിവാഹവാഗ്ദാനം നൽകി തമിഴ്നാട്ടിലേക്കു കൊണ്ടുപോയി പീഡിപ്പിച്ചെന്ന പരാതിയിൽ തമിഴ്നാട് സ്വദേശിയായ യുവാവ് അറസ്റ്റിൽ. കോയമ്പത്തൂർ തൊണ്ടാമുത്തൂർ വഞ്ചിയമ്മ നഗർ കെ.ചിന്നതമ്പി എന്ന അമാവാസിയെ (26) ആണ് പോക്സോ നിയമപ്രകാരം ചിറ്റൂർ പൊലീസ് അറസ്റ്റ് ചെയ്തത്.
ജില്ലാ പൊലീസ് മേധാവി ആർ.വിശ്വനാഥ്, ചിറ്റൂർ എഎസ്പി പദംസിങ് എന്നിവരുടെ നിർദേശപ്രകാരം സിഐ ഇ.ആർ.ബൈജുവിന്റെ നേതൃത്വത്തിൽ തൊണ്ടാമുത്തൂരിലെ വീട്ടിൽനിന്നാണ് പ്രതിയെ പിടികൂടിയത്. എഎസ്ഐ പി.വി.ജേക്കബ്, സിവിൽ പൊലീസ് ഓഫിസർമാരായ എം.ഉണ്ണിക്കൃഷ്ണൻ, സി.പ്രദീപ് കുമാർ, സീനിയർ സിവിൽ പൊലീസ് ഓഫിസർ സി.വിജയകുമാരി എന്നിവരടങ്ങുന്ന സംഘമാണു പ്രതിയെ പിടികൂടിയത്. ചിറ്റൂർ കോടതിയിൽ ഹാജരാക്കി റിമാൻഡ് ചെയ്തു.
