ഒറ്റപ്പാലം
സിപിഐ എം ലോക്കൽ സെക്രട്ടറി ഉൾപ്പെടെയുള്ള പ്രവർത്തകർക്കെതിരെ കള്ളക്കേസിന് ശ്രമമെന്ന് അമ്പലപ്പാറ ലോക്കൽ കമ്മിറ്റി വാർത്താക്കുറിപ്പിൽ അറിയിച്ചു. ഒറ്റപ്പാലം പൊലീസ് സ്റ്റേഷനിലെ ചില പൊലീസുകാരും ഇതിനുപിന്നിലുണ്ട്.
തദ്ദേശ തെരഞ്ഞെടുപ്പുമായി ബന്ധപ്പെട്ട് അമ്പലപ്പാറ പഞ്ചായത്തിലെ ഒരു സ്വതന്ത്ര സ്ഥാനാർഥിക്കുവേണ്ടി ഓട്ടോയിൽ വിവിധ സ്ഥലങ്ങളിൽ മദ്യം വിതരണം ചെയ്യാൻ പോകുമ്പോൾ സിപിഐ എം പ്രവർത്തകർ തടഞ്ഞിരുന്നു. ഇതിൽനിന്ന് ശ്രദ്ധ തിരിച്ചുവിടാൻ ഓട്ടോറിക്ഷ തടഞ്ഞ സിപിഐ എം പ്രവർത്തകർക്കെതിരെ ജാതിപ്പേര് വിളിച്ചുവെന്ന് ആരോപിച്ച് ഒറ്റപ്പാലം പൊലീസിൽ പരാതി നൽകുകയായിരുന്നു. സത്യാവസ്ഥ അന്വേഷിക്കാതെ ചില പൊലീസുകാർ ഇവർക്കെതിരെ കള്ളക്കേസെടുക്കാൻ ഒരുങ്ങുകയാണിപ്പോൾ. സംഭവത്തിൽ ഒറ്റപ്പാലം പൊലീസ് കൃത്യമായി അന്വേഷണം നടത്തി കുറ്റക്കാർക്കെതിരെ നടപടിയെടുക്കണമെന്ന് സിപിഐ എം അമ്പലപ്പാറ ലോക്കൽ കമ്മിറ്റി വാർത്താക്കുറിപ്പിൽ അറിയിച്ചു