സാമൂഹിക അകലം പാലിക്കാതെ വാക്സിൻ വിതരണകേന്ദ്രം

ഒറ്റപ്പാലം: ഒറ്റപ്പാലം എൽ.എസ്.എൻ. കോൺവെന്റ് സ്കൂളിലെ വാക്സിൻ വിതരണ കേന്ദ്രത്തിൽ യാതൊരുവിധ സാമൂഹിക അകലും പാലിക്കുന്നില്ല. സ്കൂൾ ഗേറ്റിന് മുൻവശത്ത് ആളുകൾ കൂട്ടമായാണ് നിൽക്കുന്നത്. പോലീസ് ആകട്ടെ ഇവരെ നിയന്ത്രിക്കുന്നതുമില്ലന്ന ആക്ഷേപവുമുണ്ട്.. രോഗവ്യാപനത്തിന്റെ പേരിൽ വ്യാപാരസ്ഥാപനങ്ങൾ അടച്ചിടുന്ന അധികാരി വർഗ്ഗങ്ങൾ ഇത്തരം സ്ഥലങ്ങളിലും വ്യാപന സാധ്യത കണക്കിലെടുക്കേണ്ടതാണ്. ഇവിടം വാക്സിനേഷൻ എടുക്കാനുള്ള സ്ഥലമോ അതോ രോഗവ്യാപനത്തിനുള്ള ഇടമോ? എന്ന് സംശയിക്കേണ്ടിയിരിക്കുന്നു. ടോക്കൺ നൽകി കൃത്യമായ സാമൂഹിക അകലം പാലിച്ച് നിർത്തുന്നതിൽ ഉദ്യോഗസ്ഥർ വീഴ്ച വരുത്തിയിരിക്കുകയാണ്. എത്രയുംവേഗം ബന്ധപ്പെട്ട അധികാരികൾ ഇതിനൊരു നടപടി സ്വീകരിച്ചില്ല എങ്കിൽ ഇത് സമ്പർക്ക രോഗവ്യാപനത്തിന് വഴിവെക്കുമെന്നാണ് നാട്ടുകാരുടെ അഭിപ്രായം