കൊടകര കേസിൽ കേരള പോലീസ് രാഷ്ട്രീയക്കളി അവസാനിപ്പിക്കണം : ഇ.കൃഷ്ണദാസ്
കൊടകര കവർച്ചാക്കേസിൽ കേരള പോലീസ് ആടിനെ പട്ടിയാക്കുന്ന സ്ഥിതിവിശേഷമാണ് എന്ന ബിജെപി ജില്ലാ അധ്യക്ഷൻ ഇ.കൃഷ്ണദാസ് പ്രസ്താവിച്ചു.
ബിജെപിയെ തകർക്കാനുള്ള ഗൂഢാലോചനയാണ് സിപിഎമ്മും ചില പോലീസ് ഉദ്യോഗസ്ഥന്മാരും നടത്തുന്നത്. ഇതിനെ പാർട്ടി അതിശക്തമായി നേരിടും. കമ്മ്യൂണിസ്റ്റ് പാർട്ടിയുടെ സജീവ പ്രവർത്തകൻമാരെയും പൊതുസമൂഹത്തിൽ വെറുക്കപ്പെട്ടവരെയുമാണ് അഭ്യന്തരമന്ത്രി ഈ കേസിന്റെ അന്വേഷണം ഏൽപ്പിച്ചിരിക്കുന്നത്.
ബിജെപിയെ അവഹേളിക്കുക എന്നത് മാത്രമാണ് അന്വേഷണത്തിലൂടെ സർക്കാർ ലക്ഷ്യമിടുന്നത്.
കവർച്ചാ കേസിൽ ജയിലിലുള്ള പ്രതികളുടെ കാൾ ഡീറ്റെയിൽസ് പുറത്തു വിടാത്തത് ദുരൂഹമാണ്. പ്രതികളിലൊരാളായ മാർട്ടിൻ സിപിഐയുടെ വിദ്യാർത്ഥി സംഘടന എഐഎസ്എഫിന്റെ പ്രവർത്തകനാണ്.
ഇതിനെതിരെ ജില്ലയിൽ ബിജെപി ശക്തമായ പ്രക്ഷോഭം ആരംഭിക്കും. പാലക്കാട് ജില്ലയിൽ ആയിരം കേന്ദ്രങ്ങളിൽ കോവിഡ മാനദണ്ഡങ്ങൾ പാലിച്ചു കൊണ്ട് സമരം നടത്തുന്നതാണെന്ന് ബിജെപി ജില്ലാ അധ്യക്ഷൻ ഇ.കൃഷ്ണദാസ് പ്രസ്താവനയിലൂടെ അറിയിച്ചു.
