അധികാരമേൽക്കും മുമ്പേ വാർഡിലെ നിർധനർക്ക് ഭക്ഷണക്കിറ്റുകളെത്തിച്ച് സംഗീത ബാബു
പാലക്കാട്: സത്യപ്രതിജ്ഞ ചെയ്തു അധികാരമേൽക്കുന്നതിൻ്റെ തലേ നാൾ വാർഡിലെ 25 നിർധന കുടുംബങ്ങൾക്ക് ഭക്ഷണക്കിറ്റുകളെത്തിച്ച് കൊടുവായൂർ പഞ്ചായത്ത് പത്താം വാർഡംഗം സംഗീത ബാബു തൻ്റെ പ്രവർത്തനങ്ങൾക്ക് തുടക്കം കുറിച്ചു.യു.ഡി.എഫ് പിന്തുണയോടെ വിജയിച്ച വെൽഫെയർ പാർട്ടി മെമ്പറാണ് സംഗീത. സാധാരണക്കാരായ ജനങ്ങളുടെ അത്യാവശ്യങ്ങൾ ആദ്യവും വേഗത്തിലും ചെയ്തു തീർക്കണമെന്നതിനാലാണ് മെമ്പറായി അധികാരമേൽക്കും മുമ്പെ ഭക്ഷണ കിറ്റുകൾ നൽകിയതെന്ന് അവർ പറഞ്ഞു. വിവേചനങ്ങളില്ലാതെ ജനക്ഷേമ വികസിത വാർഡ് പൊതുജനക്കൂട്ടായ്മയിൽ കെട്ടിപ്പടുക്കുമെന്ന് സംഗീത ബാബു പറഞ്ഞു.