ആം ആദമി പാർട്ടി പ്രതിഷേധ ധർണ്ണ നടത്തി.

ആം ആദമി പാർട്ടി പ്രതിഷേധ ധർണ്ണ നടത്തി.
പാലക്കാട്:
സംസ്ഥാനം കടകക്കെണിയിലല്ല എന്ന് പറയുന്ന മുഖ്യമന്ത്രി പിണറായി വിജയൻ പിന്നെന്തിനാണ് നികുതിയും സെസ്സും കൂട്ടി പൊതുജനത്തെ ദുരിതത്തിലാക്കുന്നതെന്ന് വ്യക്തമാക്കണമെന്ന് ആം ആദ്മി പാർട്ടി ആവശ്യപ്പെട്ടു. കെടുകാര്യസ്ഥതയും ധൂർത്തും കൊണ്ട് സംസ്ഥാനത്തെ പാപ്പരാക്കിയ സർക്കാർ ജനത്തെ പരിഹസിക്കുകയാണ്. സർക്കാറിന്റെ അഹന്തയും സാധാരണക്കാരോടുള്ള പുച്ഛവും സാമൂഹിക പെൻഷൻ നൽകാനാണ് നികുതി വർദ്ധന എന്ന നുണ കൊണ്ട് ഒളിക്കാനാവില്ല. സാധാരണക്കാരുടെ പേരിൽ ഇടത് സർക്കാർ ധൂർത്ത് നടത്തുകയാണെന്ന് ജനം തിരിച്ചറിയുന്നുണ്ടെന്നും പറഞ്ഞു.
അധിക നികുതിഭാരവും, സെസ്സുകളും ഏർപ്പെടുത്തി
സംസ്ഥാന ബഡ്ജറ്റിലൂടെ
പൊതുജനത്തെ കൊള്ളയടിക്കുന്ന സംസ്ഥാന സർക്കാർ നിലപാടിൽ പ്രതിഷേധിച്ച് ആം ആദ്മി പാർട്ടി പ്രവർത്തകർ നടത്തിയ പ്രതിഷേധ ജാഥയും, കളക്ടറേറ്റിന് മുന്നിൽ നടത്തിയ പ്രതിഷേധ കൂട്ടായ്മയിലുമാണ് ആം ആദ്മി പാർട്ടി സർക്കാറിന്റെ നയങ്ങളെ രൂക്ഷമായി വിമർശിച്ചത്.
സണ്ണി ഫ്രാൻസിസ് അധ്യക്ഷത വഹിച്ചു.
നേതാക്കളായ വിനോദ് ലാൽ ആര്യച്ചാലിൽ, നൗഷാദ് പട്ടാമ്പി, പി. വേണുഗോപാൽ, ഉപേന്ദ്ര ദുർഗ്ഗാദാസ് ഒറ്റപ്പാലം,
ഹരീന്ദ്രൻ പുലാക്കിൽ, വിജയരാഘവൻ ഒറ്റപ്പാലം, രവീന്ദ്രൻ പുതുക്കോട്, ദിവാകരൻ കുപ്പമുത്തു, ജി. ഉഷാകുമാരി, ജിനി വർഗ്ഗീസ് പാലക്കുഴി, അബ്ദുറഹ്മാൻ മണ്ണയത്ത്, രവി വെള്ളാരംകടവ് എന്നിവർ സംസാരിച്ചു