പല്ലശ്ശനയിൽ ലഹരിവിരുദ്ധ ശൃംഖല എംഎൽഎ കെ.ബാബു ഉദ്ഘാടനം ചെയ്തു.
ലഹരിവിരുദ്ധ ശൃംഖല പല്ലശ്ശന പഞ്ചായത്തിന്റെ നേതൃത്വത്തിൽ സംഘടിപ്പിച്ച പരിപാടി നെന്മാറ മണ്ഡലം എം എൽ എ കെ.ബാബു. ഉത്ഘാടനം ചെയ്തു. പല്ലശ്ശന ഗ്രാമപഞ്ചായത്ത് പ്രസിഡന്റ് സായ് രാധ അദ്ധ്യക്ഷത വഹിച്ചു.
രാഷ്ട്രീയ, സാമൂഹിക, സാംസ്കാരിക രംഗത്തെ പ്രമുഖരും, തളൂർ ഇ കെ ഇ എം യു പി സ്കൂൾ, പല്ലശ്ശന വി ഐ എം എച്ച് എസ് എന്നിവിടങ്ങളിൽ നിന്നെത്തിയ വിദ്യാർത്ഥികളും, എൻ സി സി കാഡറ്റ്സ് , സ്റ്റുഡൻസ് പോലീസ് കാഡറ്റ്സ് , ജെ ആർ സി കാഡറ്റ്സ് , രക്ഷിതാക്കൾ, അദ്ധ്യാപകർ തുടങ്ങി സന്നദ്ധ സേവന രംഗത്തെ പലരും ഈ പ്രതിഷേധ ചങ്ങലയിൽ കണ്ണികളായി. ഇ.കെ.ഇ.എം യു പി സ്കൂൾ തളൂർ, പല്ലശ്ശന വി ഐ എം എച്ച് എസ് എസ് ലെയും വിദ്യാർത്ഥികൾ വിവിധ കലാപരിപാടികൾ അവതരിപ്പിച്ചു. സി.അശോകൻ (വൈസ് പ്രസി.) കെ. ലക്ഷമണൻ സി.പി.ഐ (എം), എം.സുധീർ (ഐ.എൻ.സി) പി.ടി. ഉണ്ണികൃഷ്ണൻ ( എൻ.സി.പി), കെ.നാരായണൻ (സി.പി.ഐ) എന്നിവർ അഭിവാദ്യം ചെയ്തു സംസാരിച്ചു. പഞ്ചായത്ത് സെക്രട്ടറി കെ. മഹേഷ് കുമാർ നന്ദിരേഖപ്പെടുത്തി.
(വാർത്ത. രാമദാസ് ജി കൂടല്ലൂർ)
