മുഖ്യമന്ത്രി രാജിവക്കണമെന്നാവശ്യപ്പെട്ടുകൊണ്ടും, നെന്മാറ എം എൽ എ മാപ്പു പറയണമെന്നും ആവശ്യപ്പെട്ടുകൊണ്ടും കോൺഗ്രസ് നെന്മാറ ടൗണിൽ പ്രതിഷേധമാർച്ച് നടത്തി.

നെന്മാറ: സ്വർണ്ണ കള്ളക്കടത്തിന് നേതൃത്വം കൊടുത്ത മുഖ്യമന്ത്രി പിണറായി വിജയൻ രാജിവക്കണമെന്നാവശ്യപ്പെട്ടുകൊണ്ടും, നെന്മാറ എം എൽ എ യുടെ സ്ത്രീവിരുദ്ധ പരാമർശം പിൻവലിക്കുകയും മാപ്പു പറയണമെന്നും ആവശ്യപ്പെട്ടുകൊണ്ടും യൂത്ത് കോൺഗ്രസ് നെന്മാറ നിയോജകമണ്ഡലം കമ്മിറ്റിയുടെ നേതൃത്വത്തിൽ നെന്മാറ ടൗണിൽ പ്രതിഷേധമാർച്ചും പൊതുയോഗവും നടത്തി.

നിയോജക മണ്ഡലം പ്രസിഡൻറ് വിനോദ് ചക്രായ് അധ്യക്ഷതയും, കോൺഗ്രസ് ജില്ലാ പ്രസിഡൻറ് എ.തങ്കപ്പൻ ഉൽഘാടനവും നിർവ്വഹിച്ചു. അഡ്വ.സുമേഷ് അച്ചുതൻ, കെ.ജി.എൽദോ, കെ.എം.ഫെബിൻ,സജേഷ്ചന്ദ്രൻ ,കെ.വി.ഗോപാലകൃഷ്ണൻ, പ്രബിത ജയൻ, രോഹിത്ത്കൃഷ്ണൻ, പ്രദീപ്, കെ.ഐ.അബ്ബാസ്, സി.സി. സുനിൽ, ആർ.സുരേഷ്, സി.ദിലീപ് ,സജിൽ കൽമൊക്ക് എന്നിവർ നേതൃത്വം നൽകി.