ബൈക്ക് അപകടം അച്ഛൻ മരിച്ചു. മകൾ പരിക്കുകളോടെ ആശുപത്രിയിൽ.
പല്ലാവൂർ:-
രാമദാസ് ജി. കൂടല്ലൂർ.
ഇന്ന് കാലത്ത് പതിനൊന്ന് മണിക്ക് പല്ലാവൂർ ഫൈവ് സ്റ്റാർ മെറ്റൽ മില്ലിനു സമീപം ഉണ്ടായ വാഹന അപകടത്തിൽ നെന്മാറ-വല്ലങ്ങി പുളിക്കൽതറ സ്വദേശിയും കെട്ടുപണിക്കാരനുമായ ബാലകൃഷ്ണൻ (54 വയസ്സ്) മരണപ്പെട്ടു. പരിക്കേറ്റ 24 വയസ്സുകാരിയായ മകൾ ശ്രുതിയെ പാലന ആശുപത്രിയിൽ പ്രവേശിപ്പിച്ചു. ബാലകൃഷ്ണൻ്റെ ഭാര്യ ജയ കോവിഡ് ബാധിച്ച് ചികിത്സയിലായിരുന്നു.മറ്റൊരു മകൾ അനു വിവാഹിതയാണ്. മരുമകൻ.രാധാകൃഷ്ണൻ.
പാലക്കാട് ഭാഗത്തേക്ക് പോവുകയായിരുന്ന ബൈക്ക് ഒരു കാറിനെ മറികടക്കുന്നതിനിടെ എതിർദിശയിൽ നിന്നു വരികയായിരുന്ന ടിപ്പറിൽ ഇടിക്കുകയായിരുന്നുവത്രെ. റോഡിന്റെ റീടാറിംങ്ങു കഴിഞ്ഞതും,
വാഹനങ്ങളുടെ അമിതവേഗവും, കുത്തനെയുള്ള കയറ്റങ്ങളിലെ തിരിവുകളും ഈ പ്രദേശത്ത് അപകടസാധ്യത വർധിപ്പിക്കുന്നതായി ഏവരും പറയുന്നു
