ഒറ്റപ്പാലം: മനുഷ്യാവകാശം സംരക്ഷിക്കുക, ഭരണകൂട വേട്ട അവസാനിപ്പിക്കുക എന്നീ മുദ്രവാക്യ വുമായി മനുഷ്യാവകാശ പ്രവർത്തകരെയും, മാധ്യമപ്രവർത്തകരെയും വേട്ടയാടുന്ന കേന്ദ്രസർക്കാറിന്റെ നടപടികൾക്കെതിരെ മുസ്ലിം ലീഗ് സംസ്ഥാന കമ്മിറ്റിയുടെ ആഹ്വാനപ്രകാരം അമ്പലപ്പാറ പഞ്ചായത്ത് മുസ്ലിം ലീഗ് കമ്മിറ്റി പ്രതിഷേധ സായാഹ്നം സംഘടിപ്പിച്ചു.ചുനങ്ങാട്
മലപ്പുറം സെന്ററിൽ നടന്ന പ്രതിഷേധ സായാഹ്നം മുസ്ലിം ലീഗ് ജില്ലാ കൗൺസിൽ അംഗം എ.കെ ഉമ്മർ ഉദ്ഘാടനം നിർവഹിച്ചു. അമ്പലപ്പാറ പഞ്ചായത്ത് മുസ്ലിം ലീഗ് കമ്മിറ്റി
പ്രസിഡൻറ് സി.ടി ഹംസ അധ്യക്ഷനായി.
മുസ്തഫ തിരുണ്ടിക്കൽ മുഖ്യപ്രഭാഷണം നടത്തി.പഞ്ചായത്ത് മുസ്ലിം ലീഗ് ജനറൽ സെക്രട്ടറി ഷൗക്കത്ത് പുളിക്കൽ സ്വാഗതവും പി റഷീദ് നന്ദിയും പറഞ്ഞു.
പി. കബീർ, കെ.ടി സെയ്തലവി,എൻ.വീരാൻ കുട്ടി,എ.കെ ഷരീഫ്, ഷാജി പിലാത്തറ, പി.ഫൈസൽ,പി.ഹൈദ്രു,സലീം, മുഹമ്മദ് കുട്ടി,എ.മുഹമ്മദ്(മണി) തുടങ്ങിയവർ നേതൃത്വം നൽകി.
ഫോട്ടോ: മുസ്ലിംലീഗ് പഞ്ചായത്ത് കമ്മിറ്റി സംഘടിപ്പിച്ച സായാഹ്ന പ്രതിഷേധം മുസ്ലിം ലീഗ് ജില്ലാ കൗൺസിൽ അംഗം എ കെ ഉമ്മർ ഉദ്ഘാടനം നിർവഹിക്കുന്നു.
