ബീവറേജസ് ഔട്ട്ലെറ്റ് വരുന്നതിനെതിരെ ഗാന്ധിദര്ശന് സമിതി പ്രതിഷേധിച്ചു.
വടക്കഞ്ചേരിഃ-പന്നിയങ്കരയിൽ ബീവറേജസ് ഔട്ട്ലെറ്റ് വരുന്നതിനെതിരെ ഗാന്ധിദർശൻ സമിതി തരൂര് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ പ്രതിഷേധം രേഖപ്പെടുത്തി .പന്നിയങ്കര ഗവൺമെൻറ് എൽ പി സ്കൂൾ ,ശോഭ അക്കാദമി സ്കൂൾ, ശോഭ ഹെൽത്ത് സെൻറർ, അംഗൻവാടി തുടങ്ങിയ സ്ഥാപനങ്ങളുടെ അടുത്ത് മദ്യവില്പനശാല വരുന്നത് സമൂഹത്തിനും നാടിനും ആപത്താണെന്ന് യോഗം അഭിപ്രായപ്പെട്ടു. DCC ജനറല് സെക്രട്ടറി ഡോ.അർസലൻ നിസാം പ്രതിഷേധ യോഗം ഉദ്ഘാടനം ചെയ്തു. ഗാന്ധിദര്ശന് സമിതി തരൂര് നിയോജക മണ്ഡലം പ്രസിഡന്റ് പി.കെ.നന്ദകുമാര് അധ്യക്ഷനായി. പഞ്ചായത്ത് മെമ്പർ എ. ജോസ് , എം.എസ് അബ്ദുൽ ഖുദ്ദൂസ്, ജിജോ ഇമ്മാനുവൽ, സുനിൽ പുഴക്കലിടം, സജി മഞ്ഞപ്ര,എന്നിവർ യോഗത്തിൽ സംസാരിച്ചു
