എം ഇ എസ് വനിതാ കോളേജിൽ വെബിനാർ സംഘടിപ്പിച്ചു

പാലക്കാട് : മാങ്കാവ് എം ഇ എസ് വനിതാ കോളേജ് ഭാഷ വകുപ്പിന്റെ ആഭിമുഖ്യത്തിൽ വെബിനാർ  സംഘടിപ്പിച്ചു. ‘ഭാഷയും സാങ്കേതിക വിദ്യയും’ എന്ന വിഷയത്തിൽ നടന്ന വെബിനാർ എം ഇ എസ് സ്റ്റേറ്റ് സിലബസ് വിദ്യാഭ്യാസ ബോർഡ്‌ ചെയർമാൻ എസ്.എം.എസ്. മുജീബ് റഹ്മാൻ ഉത്ഘാടനം ചെയ്തു.
തിരുവനന്തപുരം അന്താരാഷ്ട്ര സ്വാതന്ത്ര സോഫ്റ്റ്‌വെയർ റിസർച്ച് കേന്ദ്രത്തിലെ ഡോ.കെ.ജെ.  അബ്രാർ വിഷയം അവതരിപ്പിച്ചു.  കോളേജ് പ്രിൻസിപ്പൽ കെ. ഫർഷാന അധ്യക്ഷത വഹിച്ചു. മാനേജ്മെന്റ് സെക്രട്ടറി എസ്. നസീർ, ജോയിന്റ് സെക്രട്ടറി എസ്.എം. നൗഷാദ് ഖാൻ, ജില്ലാ ജോയിന്റ് സെക്രട്ടറി എ. സയ്യദ് താജുദീൻ,  ഭാഷാ വിഭാഗം അധ്യാപിക എം. ഷഹീന മോൾ, ജിതീഷ എസ്, സ്റ്റുഡന്റസ് യൂണിയൻ ചെയർപേഴ്സൺ ജെ. ജയശ്രീ, എ. ഷെരിഫ്,  ആകാശ് കൃഷ്ണ, വിശാലം പി. എസ്,  എന്നിവർ പ്രസംഗിച്ചു.ഭാഷയിലെ സാങ്കേതികത്വവും, നൂതന സാങ്കേതിക വിദ്യ ഭാഷയിൽ വരുത്തിയിട്ടുള്ള പരിവർത്തനവും വെബിനാർ ചർച്ച ചെയ്തു.