അടിയന്തര മുന്നറിയിപ്പ് നൽകി…
2026 ഏപ്രിൽ 13-ന് കേരള സംസ്ഥാന ദുരന്ത നിവാരണ അതോറിറ്റി പുറത്തിറക്കിയ അറിയിപ്പ് പ്രകാരം, ഏപ്രിൽ 29 മുതൽ മെയ് 12 വരെ 45°C മുതൽ 55°C വരെ ചൂട് ഉണ്ടാവുമെന്നും വെയിലത്ത് നിൽക്കരുത്, മൊബൈൽ ഫോൺ പൊട്ടിത്തെറിക്കും, കാറുകളിൽ ഇന്ധനം നിറയ്ക്കരുത് എന്നും പറഞ്ഞ് സിവിൽ ഡിഫൻസ് ഡിപ്പാർട്ട്മെന്റിന്റെ പേരിൽ പ്രചരിക്കുന്ന വാട്സ്ആപ്പ് സന്ദേശം പൂർണമായും വ്യാജമാണ്.
കേരളത്തിൽ സിവിൽ ഡിഫൻസ് ഡിപ്പാർട്ട്മെന്റ് എന്നൊരു വകുപ്പില്ല, സിവിൽ ഡിഫൻസ് എന്നത് ഫയർ ആൻഡ് റെസ്ക്യൂ സർവീസസിന് കീഴിൽ പ്രവർത്തിക്കുന്ന ഒരു സന്നദ്ധ സേന മാത്രമാണ്. കേരളത്തിൽ 54°C ചൂട് ഉണ്ടാകുമെന്ന് കേന്ദ്ര കാലാവസ്ഥാ വകുപ്പ് ഒരു പ്രവചനവും നടത്തിയിട്ടില്ല. ഇത്തരം വ്യാജ പ്രചാരണങ്ങൾ പ്രചരിപ്പിക്കുന്നത് ദുരന്ത നിവാരണ നിയമം 2005-ലെ വകുപ്പ് 54 പ്രകാരം ശിക്ഷാർഹമായ കുറ്റമാണ്. ഔദ്യോഗിക മുന്നറിയിപ്പുകൾക്കും അറിയിപ്പുകൾക്കും KSDMA-യുടെ ഔദ്യോഗിക വെബ്സൈറ്റും സാമൂഹിക മാധ്യമ പേജുകളും മാത്രം ആശ്രയിക്കുക.
