മികച്ച അധ്യാപകനുള്ള സംസ്ഥാന സർക്കാരിന്റെ അവാർഡ് തേടിയെത്തിയ സന്തോഷത്തിലാണ് കണ്ണനൂർ കിഴക്കേപ്പുറത്ത് വീട്ടില് കെ.ശശീധരൻ. പാലക്കാട് ഗവ. മോയൻ മോഡല് ഗേള്സ് ഹയർ സെക്കൻഡറി സ്കൂളിലെ ഹൈസ്കൂള് വിഭാഗം സാമൂഹികശാസ്ത്രം അധ്യാപകനാണ്.
ക്ലാസ് കഴിഞ്ഞ് വീട്ടിലെത്തിയപ്പോഴാണ് ഔദ്യോഗിക അറിയിപ്പ് ലഭിക്കുന്നത്. 21 വർഷത്തെ സർക്കാർ സർവിസിനിടക്ക് ആദ്യത്തെ അംഗീകാരമാണിത്. അവാർഡ് നേട്ടത്തില് ഏറെ സന്തോഷമുണ്ടെന്നും അധ്യാപകനായുള്ള മികച്ച പ്രവർത്തനങ്ങളുടെ ഫലമാണിതെന്നും അദ്ദേഹം പറഞ്ഞു.
