സുഹൃത്തുക്കള് തമ്മിലുള്ള വാക്കുതർക്കത്തിനിടെ അതിഥി തൊഴിലാളി കുത്തേറ്റ് മരിച്ചു. മണ്ണാർക്കാടാണ് സംഭവം.
വാക്കടപ്പുറം പൈനാപ്പിള് തോട്ടത്തിലെ തൊഴിലാളിയും ഝാർഖണ്ഡ് സ്വദേശിയുമായ അരവിന്ദ് കുമാറാണ് കുത്തേറ്റ് മരിച്ചത്.
വാക്കുതർക്കം രൂക്ഷമാവുകയും യുവാവിന് കുത്തേല്ക്കുകയുമായിരുന്നു. തോട്ടത്തിലെ മറ്റൊരു തൊഴിലാളിയായ ഝാർഖണ്ഡ് സ്വദേശി സുരേഷാണ് അരവിന്ദിനെ കുത്തി പരിക്കേല്പ്പിച്ചത്. മഞ്ചേരി മെഡിക്കല് കോളേജ് ആശുപത്രിയില് ചികിത്സയിലിരിക്കവെയാണ് യുവാവ് മരണപ്പെട്ടത്.
കൃത്യത്തിന് ശേഷം ഒളിവില് പോയ സുരേഷിനെ പൊലീസ് കസ്റ്റഡിയിലെടുത്തിട്ടുണ്ട്.
