ജില്ലയിലെ പ്രമുഖ ഉത്സവങ്ങള്ക്കു ഇത്തവണ വെടിക്കെട്ടില്ല. സുരക്ഷാ മാനദണ്ഡങ്ങള് മുൻനിർത്തിയാണ് ഉത്സവകമ്മിറ്റികളുടെ അപേക്ഷ അഡീഷണല് ജില്ലാ മജിസ്ട്രേറ്റ് തള്ളിയത്
കാവശേരി പൂരം കോ-ഓര്ഡിനേഷന് കമ്മിറ്റി, തരൂര് വേല കമ്മിറ്റി, കണ്ണമ്ബ്ര പള്ളിയറ ഭഗവതി ക്ഷേത്രത്തിലെ കൊന്നഞ്ചേരി വേല കമ്മിറ്റി, കുനിശേരി കുമ്മാട്ടി കിഴക്കേത്തറ ദേശം, വടക്കഞ്ചേരി പരുവാശേരി കുമ്മാട്ടി ഉത്സവക്കമ്മിറ്റി എന്നിവര് സമര്പ്പിച്ച വെടിക്കെട്ട് പ്രദര്ശന അനുമതിക്കായുള്ള അപേക്ഷകളാണ് എഡിഎം സി. ബിജു നിരസിച്ചത്. ഈമാസം 18നാണ് കാവശ്ശേരി പൂരം. 18,19ന് നടക്കുന്ന കണ്ണമ്ബ്ര പള്ളിയറ ഭഗവതി ക്ഷേത്രം വേല, തരൂര് വേല, 21,22 ന് നടക്കുന്ന വടക്കഞ്ചേരി പരുവാശേരി കുമ്മാട്ടി എന്നിവയോടനുബന്ധിച്ചുള്ള വെടിക്കെട്ട് പ്രദര്ശന അനുമതിയാണ് അധികൃതർ നിരസിച്ചത്.
