ഒറ്റപ്പാലത്ത് 19 വയസ്സുകാരന് ക്രൂര മര്‍ദ്ദനം. കടമ്ബൂര്‍ സ്വദേശിയായ അഭിജിത്താണ് മര്‍ദനത്തിന് ഇരയായത്
സംഭവത്തില്‍ പ്രായപൂര്‍ത്തിയാകാത്ത 10 പേര്‍ക്കെതിരെയും 19 കാരനായ ഒരു യുവാവിനെതിരെയും പൊലീസ് കേസെടുത്തു. സുഹൃത്തിനെ അസഭ്യം പറഞ്ഞത് ചോദ്യം ചെയ്തതുമായ് ബന്ധപ്പെട്ട തര്‍ക്കമാണ് മര്‍ദനത്തിലേക്ക് നയിച്ചത്.
ചുനങ്ങാട് സ്വദേശിയായ മനൂബും സംഘവുമാണ് വ്യാഴാഴ്ച അഭിജിത്തിനെ ക്രൂരമായി മര്‍ദിച്ചത്. കടമ്ബൂര്‍ ജി.എച്ച്‌.എച്ച്‌.എസ് സ്കൂളിനു സമീപത്ത് വെച്ചാണ് ആക്രമണം നടന്നത്. മാരകായുധം ഉപയോഗിച്ചാണ് മര്‍ദിച്ചത്. സംഭവത്തില്‍ 11 പേര്‍ക്കെതിരെ പൊലീസ് കേസെടുത്തു. 5 പേരെ വധശ്രമത്തിന് അറസ്റ്റ് ചെയ്തു.
