ഒന്നാംസമ്മാനമായ 25 കോടി രൂപ ലഭിച്ചത് തമിഴ്നാട് സ്വദേശികള്ക്ക്. തിരുപ്പൂര് സ്വദേശികളായ നാലു പേര് ചേര്ന്നെടുത്ത ടിക്കറ്റിനാണ് ഒന്നാം സമ്മാനം
പാലക്കാട് വാളയാറില് നിന്ന് നടരാജനാണ് ടിക്കറ്റെടുത്തത്. ടിക്കറ്റിന്റെ ഭാഗമായ മറ്റ് മൂന്നു പേരുടെ വിവരങ്ങളോ ചിത്രങ്ങളോ പുറത്ത് വിടരുതെന്നും ഇവര് ആവശ്യപ്പെട്ടിട്ടുണ്ട്.
ആശുപത്രിയില് ചികിത്സയില് കഴിഞ്ഞിരുന്ന വ്യക്തിയെ കാണാന് എത്തിയപ്പോള് വാളയാറില് നിന്ന് മൂന്ന് ടിക്കറ്റുകള് എടുക്കുകയായിരുന്നു. അതില് ഒരു ടിക്കറ്റിനാണ് സമ്മാനം അടിച്ചതെന്ന് ഇവര് ടിക്കറ്റ് കൈമാറാനെത്തിയപ്പോള് ബന്ധപ്പെട്ടവരോട് പറഞ്ഞു. സമ്മാനര്ഹരുടെ ആവശ്യപ്രകാരം മുഖം കാണിക്കാതെ നാലു പേരുടെയും കൈകള് മാത്രമാണ് ലോട്ടറി നല്കുന്ന ചിത്രത്തിലുള്ളത്.
