ചെര്‍പ്പുളശേരിയില്‍ 17കാരിയെ 32കാരൻ വിവാഹം കഴിച്ച സംഭവത്തില്‍ വിശദമായ അന്വേഷണത്തിനൊരുങ്ങി പൊലീസ്.
. തൂത ക്ഷേത്രത്തില്‍ നടന്ന വിവാഹത്തില്‍ നൂറിലധികം പേര്‍ പങ്കെടുത്തിരുന്നു. ബാലവിവാഹത്തെക്കുറിച്ച്‌ വിവരമറിഞ്ഞ് മണ്ണാര്‍ക്കാട് ചൈല്‍ഡ് വെല്‍ഫയര്‍ കമ്മിറ്റി ചെര്‍പ്പുളശേരി പൊലീസിനോട് വിവരം തേടുകയായിരുന്നു. വിവാഹം നടന്ന ക്ഷേത്രത്തിലെ സി സി ടി വി ദൃശ്യങ്ങളും പൊലീസ് ശേഖരിച്ചു.
രണ്ടുവര്‍ഷംവരെ തടവുശിക്ഷ ലഭിക്കാവുന്ന ജാമ്യമില്ലാ വകുപ്പുകളാണ് ചുമത്തിയിരിക്കുന്നത്.
അതേസമയം, വധുവിന്റെ പ്രായത്തെക്കുറിച്ച്‌ അറിവില്ലായിരുന്നുവെന്നാണ് ക്ഷേത്രം ഭാരവാഹികള്‍ പൊലീസിന് മൊഴി നല്‍കിയത്. വധൂവരന്മാരും മാതാപിതാക്കളും ഒളിവിലാണ്. ഇവര്‍ക്കായുള്ള തെരച്ചില്‍ ഊര്‍ജിതമാക്കിയിരിക്കുകയാണ് പൊലീസ്.
ജൂണ്‍ 29നാണ് ചെര്‍പ്പുളശേരിക്കാരനായ 32കാരനും മണ്ണാര്‍ക്കാട് സ്വദേശിയായ 17കാരിയും വിവാഹിതരായത്
