കെ.എസ്.ആര്‍.ടി.സി സ്റ്റാന്‍ഡിലെ വ്യാപാരം അനധികൃതമെന്ന് നഗരസഭ
സ്റ്റാൻഡിലെ വ്യാപാരസ്ഥാപനങ്ങള്‍ അനധികൃതമെന്ന് നഗരസഭ കൗണ്‍സില്‍. മതിയായ ലൈസൻസോ അനുമതിയോ ഇല്ലാതെയാണ് ഭക്ഷ്യസ്ഥാപനങ്ങളടക്കം ഇവിടെ പ്രവര്‍ത്തിക്കുന്നത്
കെ.എസ്.ആര്‍.ടി.സി സ്റ്റാൻഡിന് പോലും നമ്ബറില്ലെന്നും കൗണ്‍സിലില്‍ വിമര്‍ശനമുയര്‍ന്നു. ഇതോടെ അനധികൃത വ്യാപാര സ്ഥാപനങ്ങളും കടകളും അടച്ചുപൂട്ടാൻ നടപടി സ്വീകരിക്കാൻ ചെയര്‍പേഴ്സൻ കൗണ്‍സിലിന് നിര്‍ദേശം നല്‍കി.
എം.എല്‍.എയുടെ മൗനസമ്മതത്തോടെയാണ് ഇത്തരം സ്ഥാപനങ്ങള്‍ പ്രവര്‍ത്തിക്കുന്നതെന്ന് പരാമര്‍ശമുയര്‍ന്നതോടെ കൗണ്‍സിലില്‍ ഭരണ-പ്രതിപക്ഷ കക്ഷികള്‍ തമ്മില്‍ വാക്കേറ്റമുണ്ടായി.
