*വ്യാജ വിസയും ടിക്കറ്റും നൽകി .*
*പാലക്കാട് :* വിവിധ ജില്ലകളിലായി വ്യാജ വിസയും വിമാന ടിക്കറ്റും നല്കി ലക്ഷങ്ങള് തട്ടിയ കേസില് കോട്ടായി സ്വദേശി അറസ്റ്റില്.
കോട്ടായി പുളിനെല്ലി പുളിയങ്കാട് സ്വദേശി ബ്രിജേഷിനെയാണ് (42) സൗത്ത് പൊലീസ് അറസ്റ്റ് ചെയ്തത്. പാലക്കാട് സ്വദേശിയായ വീട്ടമ്മയ്ക്കും കുഞ്ഞിനും വിദേശയാത്ര ചെയ്യുന്നതിനു വിമാന ടിക്കറ്റ് വ്യാജമായി നിര്മിച്ചു നല്കിയെന്ന പരാതിയെ തുടര്ന്നാണു പൊലീസ് കേസെടുത്ത് അന്വേഷണം ആരംഭിച്ചത്.
തുടരന്വേഷണത്തില് ബ്രിജേഷ് വിവിധ ജില്ലകളിലായി ഒട്ടേറെ പേരില് നിന്നായി ലക്ഷങ്ങള് തട്ടിയെടുത്തിട്ടുണ്ടെന്നു കണ്ടെത്തി. വിദേശത്തേക്കു കടക്കാൻ ശ്രമിച്ച പ്രതിയെ പാലക്കാട് നഗരത്തിലെ ഇയാളുടെ സ്ഥാപനത്തില് നിന്നാണ് പൊലീസ് അറസ്റ്റ് ചെയ്തത്. കോട്ടയം, തൃശൂര് ജില്ലകളില് വ്യാജ ടിക്കറ്റും വീസയും നിര്മിച്ചു നല്കിയതിനു ബ്രിജേഷിനെതിരെ കേസെടുത്തിട്ടുണ്ട്.
സൗത്ത് ഇൻസ്പെക്ടര് ടി.ഷിജു ഏബ്രഹാം, എസ്ഐമാരായ വി.ഹേമലത, എം.അജാസുദ്ദീൻ എന്നിവരുടെ നേതൃത്വത്തിലാണ് അന്വേഷണം. ഇയാളുടെ അറസ്റ്റിനു പിന്നാലെ ഒട്ടേറെപ്പേര് പരാതിയുമായി വന്നിട്ടുണ്ടെന്നും അന്വേഷണസംഘം അറിയിച്ചു.
